அவனின் மஞ்சத்தில் தேன்மொழி CH 197

அத்தியாயம் 197

ஜனனியை தனக்கு பின்ன பாதுகாப்பாக நிற்க வைத்த அர்ஜூன் சிவந்த கண்களால் கொலை வெறியுடன் சந்தோஷை பார்த்தபடி அவனது நெற்றி பொட்டுக்கு தன் கையில் இருந்த ஹைடெக் மாடல் பிஸ்டலை குறி வைத்தான். அதுவரை எதுவும் தெரியாதவனை போல நடித்துக் கொண்டு இருந்த பிரிட்டோவும் இந்த சந்தோஷுக்கு முடிவு கட்ட நேரம் வந்து விட்டது என நினைத்து தனது துப்பாக்கியையும் அவனை நோக்கி நீட்டினான்.

அங்கே என்ன நடக்கிறது என்று புரியாமல் குழப்பத்துடன் பார்த்துக் கொண்டிருந்த சந்தோஷ் ஒருவேளை தனக்கு பின்னே இருக்கும் வேறு யாரையாவது இவர்கள் குறி வைக்கிறார்களா? என்று தெரிந்து கொள்ளும் எண்ணத்தில் தனக்கு பின்னே திரும்பி பார்த்தான்.

அங்கே அவனுக்கு பின்னே கையில் ஒரு துப்பாக்கியுடன் சியாவின் தம்பி சுனில் சந்தோஷை பார்த்து நக்கலாக சிரித்துக் கொண்டு இருந்தான். அதுவரை என்ன நடக்கிறது என்று பிடிப்படாததால் கன்பியுஷன்னில் இருந்த சந்தோஷுக்கு சுனிலை பார்த்தவுடன் அங்கே என்ன நடந்து கொண்டு இருக்கிறது என்று ஒரே நொடியில் புரிந்து விட்டது.

அதனால் வந்த கடுப்பில் தன் பற்களை நறநரவென்று கடித்த சந்தோஷ் தன் கைகளை முறுக்கிக் கொண்டு சுனிலை பார்த்து “you cheater!” என்று கத்தினான்.‌ உடனே பதிலுக்கு தானும் அவனை முறைத்து பார்த்த சுனில் “யாரு நான் சீட்டாரா? நீ தாண்டா சீட்டர்! நீ தேன்மொழி அக்காவுக்கு குறி வச்சு அதுல எங்க அம்மா மாட்டுன அன்னைக்கே நீ யாரா இருந்தாலும் சரி உன்னை கண்டு பிடிச்சு தூக்கணும்னு முடிவு பண்ணிட்டேன்.

அப்ப கூட சத்தியமா அது நீயா இருக்கும்னு நான் நினைக்கவே இல்ல. கூடவே இருந்துகிட்டு இத்தனை வருஷமா என் அக்கா குடும்பத்துக்கு துரோகம் பண்ண நீ தாண்டா  சீட்டர். தூ.. உன்ன மாதிரி ஒரு ஆளுக்கு எல்லாம் எங்க முன்னாடி நின்னு பேசக் கூட தகுதி இல்ல!” என்று கோபமாக சந்தோஷுக்கு புரிய வேண்டும் என்பதற்காக ஆங்கிலத்தில் சொன்னான்.

அங்கே நடப்பதை அரைகுறையாக காதில் வாங்கிவிட்டு யார் என்ன பேசுகிறார்கள் என்று புரியாமல் அர்ஜுனிற்க்கு பின்னே நின்று கொண்டிருந்த ஜனனி வெளியில் வந்து “என்ன ஆச்சு அண்ணா? ஏதாச்சும் ப்ராப்ளமா? யார் யாரை சீட் பண்ணது? எனக்கு இங்க என்ன நடக்குதுன்னு ஒண்ணுமே புரியல.” என்று குழப்பத்துடன் அர்ஜுனை பார்த்து கேட்டாள்.

உடனே தன்னை ஜனனியால் மட்டும் தான் அர்ஜுனிடம் இருந்து காப்பாற்ற முடியும் என்று நினைத்த சந்தோஷ் “நீயே என்னன்னு கேளு ஜனனி.. என்ன நடந்துச்சுனு எனக்கு ஒன்னும் புரியல. இவங்க ஏதோ தப்பா புரிஞ்சுகிட்டு என்ன சீட்டர்ன்னு சொல்லிட்டு இருக்காங்க. நம்ம எல்லாரும் ஒரே ஃபேமிலி இல்லையா.. நான் எப்படி என்னோட சொந்த ஃபேமிலிக்கு துரோகம் பண்ணுவேன்? ப்ளீஸ் ஜனனி நீயாவது chiefக்கு என்ன பத்தி சொல்லி புரிய வை!” என்று கண்ணீருடன் நல்லவனை போல சொன்னபடி அவளை நோக்கி நடக்க தொடங்கினான்.

அதனால் எரிச்சல் அடைந்த அர்ஜுன் சந்தோஷுன் காலுக்கு அருகில் தரையில் சுட்டு “ஒழுங்கு மரியாதையா எதுவா இருந்தாலும் அங்கயே நின்னு பேசு! உன்ன பத்தி நான் இன்னும் நிறைய தெரிஞ்சுக்கணும்னு நினைக்கிறேன். அதனால தான் உன்னை இன்னும் உயிரோட விட்டு வச்சிருக்கேன். என் தங்கச்சி பக்கத்துல வரணும்னு நினைச்ச, எத பத்தியும் யோசிக்காம ஒரே செகண்ட்ல உன்ன போட்டு தள்ளிட்டு போயிட்டே இருப்பேன்!” என்று அவனை மிரட்டும் தோரணையில் சொன்னான்.

அவனுக்கு பின் பக்கம் சுனிலும், சைடில் பிரிட்டோவும் கூட நின்று கொண்டு தங்கள் கையில் இருந்த துப்பாக்கியால் சந்தோசை சுட்டுக் கொள்ள தயாராக இருந்தார்கள். இன்னும் ஜனனிக்கு முழு உண்மை தெரியாது என்பதால் தன் காதல் கணவனின் உயிர் ஆபத்தில் இருக்கிறது என்று நினைத்து பதறிய ஜனனி “ஐயோ அண்ணா என்ன பண்றீங்க? சந்தோஷ் எதுவும் பண்ணிருக்க மாட்டான். ப்ளீஸ் அண்ணா எனக்காக அவன  விட்ருங்க! அவன் சொல்ற மாதிரி ஏதோ மிஸ் அண்டர்ஸ்டாண்டிங் ஆகியிருக்கும் நினைக்கிறேன். தயவு செஞ்சு அவசரப்பட்டு எதுவும் பண்ணிடாதீங்க அண்ணா! எதுவா இருந்தாலும் நம்ம வீட்டுக்கு போய் பொறுமையா பேசிக்கலாம்.‌ சந்தோஷ் ஏதாவது தப்பே பண்ணி இருந்தாலும் நான் அவன் கிட்ட பேசுறேன். இனிமே அவன் அந்த மாதிரி பண்ண மாட்டான். நான்… நான் அவனை உங்க கிட்ட சாரி கேட்க சொல்றேன் அண்ணா. ப்ளீஸ் அண்ணா அவனை எதுவும் பண்ணிடாதீங்க! அவனுக்கு ஏதாவது ஆயிட்டா என்னால அதை தாங்க முடியாது!”  என்று சொல்லிவிட்டு அர்ஜுனின் கால்களை கட்டிப்பிடித்துக் கொண்டு கதறி அழுதாள்.

“உனக்கு எல்லா உண்மையும் தெரிஞ்சிருக்கலாம் அர்ஜுன். இப்படி ஏதாவது நடந்தா நீ என்ன அடுத்த செகண்ட்டே கொள்ள துடிப்பேன்னு எனக்கு தெரியாதா? அதுக்கு தான் உன்ன தங்கச்சி சென்டிமென்ட்ல பிளான் பண்ணி லாக் பண்ணிட்டேன். இப்ப நான் உன் தங்கச்சி புருஷன். அவளைத் தாண்டி உன்னால என்ன  பண்ண முடியும்?” என்று நினைத்த சந்தோஷ் அர்ஜுனை ஏளனமாக ஒரு பார்வை பார்த்துவிட்டு “ப்ளீஸ் chief என்ன புரிஞ்சுக்கோங்க! எதுக்காக நீங்க என்ன சந்தேகப்படுறீங்கன்னு எனக்கு புரியல.. இங்க என்ன நடக்குதுன்னு கூட என்னால அண்டர்ஸ்டாண்ட் பண்ண முடியல. ஜனனி சொன்ன மாதிரி எதுவா இருந்தாலும் நம்ம வீட்டுக்கு போய் பேசிக்கலாம். அந்த டெரரிஸ்ட் எல்லாம் வேற எங்க இருக்காங்கன்னு தெரியல! திடீர்னு அவங்க வந்து நம்மள அட்டாக் பண்ணா பிராப்ளம் ஆயிடும்!” என்று வழக்கம் போல நல்லவன் வேஷம் போட்டு தன் நடிப்பைக் கொட்ட தொடங்கினான்.

அவன் பேச பேச அர்ஜுனிற்க்கு கோபம் கோபமாக வந்தது. “போதும் சந்தோஷ் வாய மூடு! எல்லாம் இவ்ளோ தூரம் வந்துருச்சு இனிமே உன்னால தப்பிக்க முடியாதுன்னு தெரிஞ்சு இருந்தும் கேவலமா நடிக்காத. என் தங்கச்சி ஜனனியை யூஸ் பண்ணி இங்க இருந்து தப்பிச்சு போயிடலாம்னு நினைக்காத. நீ யாருன்னு முதல்ல அவளுக்கு தெரியணும். அவ கண்ணு முன்னாடி தான் நீ சாகணும்னு மத்தவங்க எல்லாரையும் வெளிய அனுப்பிட்டு  நான் உங்கள மட்டும் இங்க இருக்க வச்சிருக்கேன். இன்னைக்கு நீ உண்மைய சொல்லாம இங்க இருந்து உயிரோடு போக முடியாது.” என்று அவன் அடித்‌ தொண்டையில் இருந்து கத்த,

அப்போதும் விடாப்பிடியாக சந்தோஷ் தரையில் மண்டியிட்டு கதறி அழுது “ஐயோ சீஃப்.. உங்களுக்கு என் மேல ஏதாவது கோபம் இருந்தா, என்னை அடிங்க திட்டுங்க. வேற என்ன வேணும்னாலும் பண்ணுங்க. பட் என்னை சீட்டர்னு சொல்லாதீங்க! எனக்குன்னு ஒரு ஃபேமிலி இருக்கு.

என் வைஃப் ஜனனி.. அப்புறம் என் குழந்தைங்க.. எனக்கு அவங்க மூணு பேரும் ரொம்ப முக்கியம். நான் இப்படி ஒரு மோசமான பழிய சுமந்துகிட்டு எப்படி அவங்க கூட நிம்மதியா வாழ்வேன்? நான் பண்ணது ஏதாவது உங்களுக்கு புடிக்கலனா, நீங்க எனக்கு என்ன பனிஷ்மென்ட் வேணும்னாலும் குடுங்க. ஆனா ப்ளீஸ் என்ன துரோகின்னு மட்டும் முத்திரை குத்திடாதீங்க!” என்று சொல்லிவிட்டு கையெடுத்து கும்பிட்டு கதறி அழுதான்.

“சந்தோஷ்!” என்று கத்திய ஜனனி உடனே சந்தோசின் அருகில் ஓடிச் செல்ல, அவள் கைகளைப் பிடித்து தன் பக்கம் இழுத்த பிரிட்டோ “தயவு செஞ்சு நாங்க சொல்றத கேளுங்க ஜனனி. இவன் நல்லவனே இல்ல. பிளான் பண்ணி நடிச்சு ஏமாத்தி தான் உங்களை இவன் கல்யாணம் பண்ணி இருக்கான். நெஜமா இவன் உங்களை லவ் பண்ணவே இல்ல.
‌
 சீஃப்பை கொல்றது தான் இவங்களோட மெயின் பிளான். ரொம்ப நாள் கஷ்டப்பட்டு இவன ஃபாலோ பண்ணி இப்ப தான் நாங்க இவனை கையும் களவுமா எவிடன்ஸோட புடிச்சிருக்கோம். சீஃப் சொன்ன மாதிரி இவன் உங்கள சீல்டா யூஸ் பண்ணி இங்க இருந்து தப்பிக்க பார்க்கிறான்! நீங்க அவன் கைல மாட்னா கொஞ்சம் கூட யோசிக்காம அவன் உங்களையே கொன்னுட்டு கூட இங்கிருந்து தப்பிச்சு போவான். இவன் அந்த அளவுக்கு மோசமானவன். அவன் பக்கத்துல கூட போகாதீங்க!” என்று அவளுக்கு புரிய வைக்கும் நோக்கில் அக்கறையுடன் சொன்னான்.

மீண்டும் வருவாள் 💕