அவனின் மஞ்சத்தில் தேன்மொழி CH 213

அத்தியாயம் 213

தங்களது மனதில் உள்ள கவலைகளை மறந்துவிட்டு ஆருத்ரா, சித்தார்த் இருவரும் அவர்களது குட்டி தம்பியை கொஞ்சி கொண்டு இருந்தார்கள். தேன்மொழி அவர்களை பார்த்து கொஞ்சம் சந்தோஷமாக உணர்ந்தாள். அவளுக்கு குழந்தை பிறந்ததே பெரும் போராட்டமாக இருந்ததால் தனக்கு மகன் பிறந்ததை நினைத்து கூட அவள் சந்தோஷப்படவில்லை. இப்போது தனது மூன்று குழந்தைகளும் ஒன்றாக சேர்ந்ததை பார்த்தவுடன் ஒரு தாயாக அவள் மனம் நிறைந்தது.‌

அதே சமயம் அன்று கிளாரா மற்றும் நடுவில் வந்து தங்களை காப்பாற்றவில்லை என்றால் இந்த பிணைப்பு சாத்தியமாகி இருக்காது என்று நினைத்த தேன்மொழி “இறந்து போனவங்க எல்லாரும் கடவுளுக்கு சமம்னு சொல்லுவாங்க. அய்யனார், கருப்பசாமி எல்லாம் அப்படித் தான் ஒரு காலத்துல காவல் தெய்வமா மாறுனாங்கன்னு ‌ சின்ன வயசுல அப்பா சொன்னது எனக்கு ஞாபகம் இருக்கு. அவர் இறந்து போனதுக்கப்புறம் அம்மா அப்பா சாமி ஆயிட்டாருன்னு சொன்னாங்க.

நானும் அதை நம்பி இத்தனை வருஷமா அவரை தெய்வமா கும்பிட்டுட்டு இருக்கேன். அதே மாதிரி தான் இப்ப எனக்கு கிளாராவும். என்னையும் என் குழந்தைகளையும் காப்பாத்த உயிரை விட்ட சாமி அவங்க. அவங்களோட ஆத்மா சாந்தி அடையணும். எப்பயும் ஒரு கார்டியன் ஏஞ்சலா இருந்து இவங்க எல்லாரையும் அவங்க பாத்துக்கணும்.” என்று நினைத்து வேண்டிக் கொண்டாள்.

தேன்மொழி அமைதியாக எதையோ  யோசித்துக் கொண்டு இருப்பதை கவனித்த சித்தார்த் “நீங்க இந்தியா கிளம்ப போறீங்களா மம்மி? தாத்தா டிராவல் அரேஞ்ச்மெண்ட்ஸ் பண்ணனும்னு அவரோட அசிஸ்டன்ட் கிட்ட பேசிட்டு இருந்ததை நான் கேட்டேன்.” என்றான்.

‌ உடனே தனது சிந்தனைகளில் இருந்து வெளியே வந்த தேன்மொழி அவனுக்கு தெரியாமல் தன் கண்ணீரை துடைத்துக் கொண்டு “ம்ம்.. ஆமா சித்து, நான் கிளம்ப போறேன். நாம இங்க ஒரு ட்ரிப் ப்ளான் பண்ணி வந்தோம். கடைசில அது எப்படி எப்படியோ முடிஞ்சு போச்சு. எல்லாம் முடிஞ்சதுக்கு அப்புறமா இங்க இருந்து நான் என்ன பண்ண போறேன்? அதான் நான் கிளம்பலாம்ன்னு டிசைட் பண்ணிட்டேன்.” என்று சோகமாக சொன்னாள்.

மீண்டும் தன் அம்மாவை விட்டும், தங்கள் ஃபேமிலி டிரியில் புதிதாக இணைந்து இருக்கும் தனது குட்டி தம்பியை விட்டும் பிரிய வேண்டிய சூழ்நிலை வந்துவிடுமோ என நினைத்து பயந்த ஆருத்ரா தேன்மொழியை பாவமாக பார்த்து “அப்போ நீங்க எங்களை விட்டுட்டு சக்தியை மட்டும் உங்க கூட கூட்டிட்டு போக போறீங்களா மம்மி?” என்று கேட்டாள்.

அவளது கண்களை நேருக்கு நேராக பார்த்த தேன்மொழி “நான் என் கூட உங்கள வரக் கூடாதுன்னு சொல்லவே இல்லையே ஆரு! நீங்க தான் எப்பயும் மம்மியை விட்டு தூரமா போறீங்க. உங்க ரெண்டு பேரையும் தனியா விட்டுட்டு போகணும்னு நான்  எப்பயும் நினைச்சதே இல்ல.” என்று சொல்ல, அவளையே பார்த்துக் கொண்டு இருந்த சித்தார்த், “டாடி கிட்ட சொல்லிட்டீங்களா?” என்று மட்டும் கேட்டான்.

உடனே அவனை திரும்பிப் பார்த்த தேன்மொழி பெருமூச்சு ஒன்றை விட்டுவிட்டு இல்லை என்று தலையாட்டினாள். “நீங்க இன்னும் அவர் கூட பேசல தானே! எனக்கு தெரியும்.” என்று சித்தார்த் சொல்ல, இந்த சிறு வயதில் அனைத்தையும் புரிந்து கொள்ளும் மனப்பக்குவம் சித்தார்த்திற்கு இருக்கு என்று நினைத்த தேன்மொழி எழுந்து அவன் அருகில் சென்று அவனது கைகளைப் பிடித்துக் கொண்டு “மம்மி பண்றது உனக்கு தப்புன்னு தோணுதா சித்து? ஆருத்ரா சின்ன பொண்ணு. சக்திக்கு எதுவும் தெரியாது. பட் உனக்கு இதெல்லாம் புரியும்னு எனக்கு தெரியும். நீ சொல்லு.. மம்மி டாடி கூட அகைன் பேசணும்னு உனக்கு தோணுதா? நீங்க ரெண்டு பேரும் ஹாப்பி ஃபேமிலியா உங்க மம்மி டாடி கூட வாழனும்னு ஆசைப்படுறீங்களா?” என்று கேட்டாள்.

அவள் வெறும் மனைவி மட்டும் அல்ல. இப்போது மூன்று குழந்தைகளுக்கு தாயாக இருக்கிறாள். அதனால் தான் என்ன செய்தாலும் குழந்தைகளை அது பாதிக்கும் என்பதால் அடுத்து என்ன செய்யலாம்? என்ற யோசனை அவள் மூளைக்குள் ஓடிக் கொண்டே இருந்தது. அதனால் இப்போது சித்தார்த்திடம் அவள் நேரடியாக தன் மனதில் இருந்ததை கேட்டு விட்டாள்.

தேன்மொழியின் கைகளை ஆதரவாக பிடித்துக் கொண்ட சித்தார்த் “yes of course I want a Happy family. But your decision is right. சியா மம்மி இருந்திருந்தா அவங்களும் இப்படித் தான் ரியாக்ட் பண்ணி இருப்பாங்க. டாடி அவங்கள ரொம்ப லவ் பண்ணாருன்னு எனக்கு தெரியும். அதே மாதிரி அவர் ஏன் உங்களையும் லவ் பண்றாருன்னு நான் புரிஞ்சுகிட்டேன்.

As a wife, உங்க ஹஸ்பண்ட் கூட உங்க ரிலேஷன்ஷிப் எப்படி இருக்கும்ன்னு நீங்க தான் டிசைட் பண்ணனும் மம்மி.   சியா மம்மி மேல கன் ஷாட் படும்போது நான் ஏன் அவங்க கூட இல்ல? அவங்கள நான் ஏன் காப்பாத்தலைனு ரொம்ப கில்ட்டியா ஃபீல் பண்ணி இருக்கேன்.

பட் நவ் நான் உங்களுக்கு ப்ராமிஸ் பண்றேன். எப்பயுமே நான் உங்க கூட இருப்பேன். நீங்க என்ன டிசைட் பண்ணாலும் சரி. நான் உங்களுக்கு சப்போர்ட் பண்ணுவேன். I love daddy. But I want to be with you mummy. உங்கள மறுபடியும் நான் மிஸ் பண்ண ரெடியா இல்ல. ஐ லவ் யூ!” என்று சொல்லிவிட்டு தேன்மொழியை கட்டி பிடித்துக் கொண்டான்.

அவன் பேச பேச தேன்மொழியின் தாய் உள்ளம் மகிழ்ச்சியில் நெகிழ்ந்து போனது. தானும் அவனை பதிலுக்கு இறுக்கமாக கட்டியணைத்த தேன்மொழி “ஐ லவ் யூ டூ சித்து. Your mummy loves you so much. நீதான் என் ஃபர்ஸ்ட் பையன். நீதான் உன் மம்மியையும் உன்னோட தம்பி தங்கச்சியும் பார்த்துக்கணும். என்ன புரிஞ்சிக்கிட்டதுக்கு தேங்க்யூ சோ மச். இனிமே எந்த கில்டி ஃபீலிங்கும் இல்லாம நான் என் வீட்டுக்கு போவேன். என் குழந்தைகளையும் கூட்டிட்டு போவேன்.” என்று குரல் நடுங்க சொன்னாள்.

அவர்கள் பேசியது அனைத்தையும் கேட்டுக் கொண்டு இருந்த ஆருத்ரா தேன்மொழி அர்ஜுனின் மீது கோபமாக இருப்பதை புரிந்து கொண்டாள். சித்தார்த் சொன்னதை போல அவளுக்கும் அர்ஜுன் என்றால் உயிர் தான். இருப்பினும் அவள் தன் அம்மாவை பிரிந்து இருக்க விரும்பவில்லை. அதனால் தானும் சென்று சித்தார்த் மற்றும் தேன் மொழியை அனைத்து கொண்ட ஆருத்ரா “நானும் உங்க கூட வருவேன் மம்மி. ப்ளீஸ் என்னையும் கூட்டிட்டு போங்க.” என்று சொல்லிவிட்டு அழுதாள்.

சித்தார்த்துடன் சேர்த்து அவளையும் கட்டி பிடித்துக் கொண்ட தேன்மொழி “மம்மி உங்க யாரையும் தனியா விட மாட்டேன் டா. நீங்க மூணு பேரும் மம்மி கூட இந்தியா வரீங்க ஓகேவா?” என்று கேட்டாள். சித்தார்த், ஆருத்ரா இருவரும் அதற்கு சந்தோஷமாக வருகிறோம் என்று தலையாட்டினார்கள்.

மீண்டும் வருவாள் 💕