அவனின் மஞ்சத்தில் தேன்மொழி CH 168

அத்தியாயம் 168

சியாவின் பெற்றோர்கள் சித்தார்த்திடம் பேசிக் கொண்டு இருந்தார்கள். அவர்கள் தேன்மொழிக்கு ஆதரவாக பேசியதால் குழப்பமான முகத்துடன் தேன்மொழியை பார்த்த சித்தார்த் “எல்லாரும் சொல்ற மாதிரி நிஜமாவே இவங்க நல்லவங்க தானா? கிரான்மா கூட நான் இவங்கள என் மம்மியா  ஏத்துக்கணும்ன்ற மாதிரி தான் சொல்றாங்க. இப்ப நான் என்ன பண்றது? ஆருத்ரா ஆல்ரெடி இவங்க மேல பாசமா தான் இருக்கா.

இவங்கள பார்க்கும்போது அப்படியே நம்ம மம்மி மாதிரியே இருக்காங்க. சோ என்னால இவங்க மேல கோவமா இருக்க முடியல. பட் இவங்கள பார்த்தாலே மம்மி ஞாபகம் தான் வருது. உடனே இவங்க நம்ம மம்மிக்கு சப்ஸ்டியூட்டா வந்து டாடி லைஃப்ல இருக்காங்கன்னு தோணுது. ஆஆ… அப்படியே தலைய பிச்சுக்கலாம் போல இருக்கே.. எனக்கு என்ன பண்றதுன்னு ஒன்னும் புரியல.” என்று நினைத்தான்.

ஜானகி அனைவரையும் சாப்பிட வரச் சொல்லி  அழைத்துச் சென்று டைனிங் ஏரியாவில் அமர வைத்தாள். இரவு முழுவதும் பிஸியாக இருந்ததால் இப்போது தான் தூங்கி எழுந்திருந்த மைக்கேல் கீழே செல்வதற்கு முன் நேராக அனிதாவின் ரூமிற்கு சென்று அவளது மொபைல் ஃபோனை அவளிடம் கொடுத்து “இந்த ஃபோனை நாங்க ஹேக் பண்ணி இருக்கோம். இதுல இருந்து நீங்க யார் கிட்ட பேசினாலும் எங்களுக்கு தெரியும்.

அதுக்காக வேற ஒரு ஃபோன் யூஸ் பண்ணி எங்களை சீட் பண்ணனும்னு நினைக்காதீங்க அனிதா. இந்த ரூம்ல கூட கேமரா இருக்கு. உங்களுக்கு பிரைவசி இருக்கணும்ன்றதுக்காக நாங்க இப்போதைக்கு வாஷிங் ரூமை மட்டும் ஃப்ரீயா விட்டு வச்சிருக்கோம்.

உங்க மேல எங்களுக்கு மறுபடியும் சந்தேகம் வர மாதிரி நீங்க நடந்துக்கிட்டா, அங்கயும் கேமராவை வச்சு கிளாராவை சர்வேலன்ஸ்ல  போட்டு உங்கள 24/7 எங்க கண்காணிப்பிலயே எங்களால் வைக்க முடியும். But hopefully அந்த மாதிரி ஒரு சுச்சுவேஷனை நீங்க கொண்டு வராம இருக்கணும்.” என்று சொல்ல,

“இங்க தான் லேடி ஸ்டாப் நிறைய பேர் இருக்காங்களே.. சோ நீங்க பாத்ரூம்ல கூட கேமரா மைக் எல்லாம் வெச்சுக்கோங்க. எனக்கு என்ன பிரச்சனையும் இல்ல சார். ஏன்னா நானா மனசு அரிஞ்சு எந்த தப்பும் நான் பண்ணல.

இப்போ அர்ஜுன் சார் பாதுகாப்புல நாங்க இந்த வீட்ல பத்திரமா தான் இருக்கோம். சோ இதுக்கு அப்புறம் என் பொண்ணை யாராச்சும் ஏதாவது பண்ணிடுவாங்கன்னு நான் பயப்பட வேண்டிய அவசியம் இல்ல.

நீங்க என்ன தாராளமா நம்பலாம். எனக்கு மறுபடியும் அவனோ இல்ல வேற யாரோ threatening call பண்ணா கண்டிப்பா நான் உங்க கிட்ட வந்து இன்ஃபார்ம் பண்றேன். பட் நான் இன்னும் வீட்டுக்கு கிளம்பாம எதுக்காக இங்க இருக்கேன்னு இங்க வீட்ல இருக்குறவங்களும், மத்தவங்களும் கேட்டா நான் என்ன சொல்றதுன்னு தான் எனக்கு தெரியல.” என்றாள் அனிதா.

அவள் மீது தவறு இல்லை என்பதால் அவள் பேச்சில் சிறிதும் பயம் தெரியவில்லை. அதனால் இனி அவள் எந்த தப்பும் செய்ய மாட்டாள் என்று மனதார நம்பிய மைக்கேல் “தேன்மொழி இப்ப ப்ரெக்னன்ட்டா இருக்கிறதுனால அவங்க கூட இருந்து பாத்துக்கறதுக்கு அர்ஜுன் உங்கள அப்பாயிண்ட் பண்ணி இருக்கிறதா சொல்லுங்க. ஆருத்ராவும் உங்க பொண்ணும் ஃபிரண்டு தானே.. சோ ரியா இங்க இருந்தா, ஆருத்ரா சந்தோஷப்படுவான்னு அவளையும் கூட்டிக்கிட்டு இங்கயே வந்து தேன்மொழி தங்கி இருக்க சொல்லிட்டாங்கன்னு யார் கேட்டாலும் அதையே சொல்லுங்க. நான் அவங்க ரெண்டு பேர் கிட்டயும் இதை இன்ஃபார்ம் பண்ணிடறேன்.” என்றான்.

அவன் சொன்ன காரியம் மற்றவர்களால் கொஞ்சம் ஏற்றுக்கொள்ளும்படி இருந்ததால் இந்த விஷயத்தில் செய்த தவறு ஒருபோதும் வெளிவராது என நினைத்து பெருமூச்சு விட்ட அனிதா அனைத்திற்கும் சரி என்றாள்.

பின் பிரிட்டோவிடம் இருந்து அவனுக்கு கால் வந்ததால் கீழே சென்று விட்டான் மைக்கேல். அவன் சென்ற பிறகு தன் அம்மாவின் அருகில் சென்ற ரியா “இங்க நம்ம ஹவுஸ் அரெஸ்ட்ல இருக்கோமா மா?” என்று கேட்க, “இல்ல இல்ல டா ரியா அப்படியெல்லாம் நீ நினைக்காத. அவங்க நம்மள அவங்க பார்வையிலயே வச்சுக்கணும்னு நினைக்கிறாங்க அவ்வளவு தான். அதுவும் என்னை மட்டும் தான் அப்படி வச்சிருக்காங்க, உன்னை இல்ல. அர்ஜுன் சார் ரூம் தவிர ஜென்ரலா நீ இந்த வீட்டுக்குள்ள எங்க வேணாலும் போகலாம்.

பட் பர்மிஷன் இல்லாம யாரோட ரூமுக்கு போயிடாத. ஆல்ரெடி நான் சொன்ன மாதிரி நடந்த எதையும் நீ ஆருத்ரா கிட்ட காட்டிக்கவே கூடாது. முன்னாடி மாதிரி நீயும் அவளும் எப்பயும் பெஸ்ட் ஃபிரண்டா இருக்கலாம். She is such a nice girl.

அவளும் தேன்மொழி மாதிரி தான். எனக்கு தேன்மொழி கிடைச்ச மாதிரி உனக்கு ஆருத்ரா கிடைச்சிருக்கா. இதுக்கப்புறம் முன்னாடி மாதிரி தேனு என் கூட பேசுவாளான்னு தெரியல. பட் நீ ருத்ராவோட ஃபிரண்ட்ஷிப்பை மிஸ் பண்ணிடாத. அம்மாவை பத்தி யோசிக்காம நீ அவ கூட இங்க இருக்கிற வரைக்கும் ஜாலியா விளையாடு‌. நிறைய டைம் ஸ்பென்ட் பண்ணு. இங்க நமக்கு எந்த பிராப்ளமும் இல்ல. அம்மா நல்லா தான் இருக்கேன் ஓகேவா?” என்று கேட்டாள் அனிதா. சரி என்று தலையாட்டினாள் ரியா.

அர்ஜுன் சியாவின் அப்பாவிடம் பேசியபடி சாப்பிட்டுக் கொண்டிருக்க, வந்திருப்பவர்கள் தேன்மொழி இடம் நல்ல விதத்தில் நடந்து கொண்டாலும் கூட இத்தனை நாட்கள் இல்லாமல் இவர்கள் புதிதாக வந்து என்ன செய்வார்களோ என்ற எண்ணத்தில் கொஞ்சம் பதட்டமாக அவர்களைப் பார்த்துக் கொண்டிருந்த விஜயா ஆதவனிடம் “எனக்கு என்னமோ இவங்கள பாத்தா பயமாவே இருக்கு டா.. யாருக்குத் தான் அவங்க பொண்ணு இடத்துல இன்னொருத்தி இருக்கிறத பார்க்கிறதுக்கு மனசு வரும்? அதுவும் மாப்ள அந்த பொண்ண லவ் பண்ணி கல்யாணம் பண்ணி இருக்காரு.‌

சம்மந்தி அம்மாவே என் கிட்ட நிறைய தடவை சொல்லி இருக்காங்க.. முன்னாடி எல்லாம் நம்ம மாப்பிள்ளைக்கு பொண்ணுங்களையே பிடிக்காதாம். எப்பயும் அவரோட ஃப்ரெண்ட்ஸ் கூட தான் இருப்பாராம். அப்ப தான் ஆபீஸ்ல சியாவை பார்த்து அந்த பொண்ணு பின்னாடியே சுத்தி லவ் பண்ணி கல்யாணம் பண்ணிக்கிட்டாராம். அவர் அந்த பொண்ணு மேல உயிரையே  வச்சிருந்தாருன்னு சொன்னாங்க.

அப்ப கேட்கும் போது மாப்பிள்ளைக்கு அதே பாசம் நம்ம தேனு மேலயும் இருக்குன்னு நினைச்சு நான் சந்தோஷப்பட்டேன். ஆனா இப்ப நம்ம பொண்ண மறந்துட்டு மாப்பிள்ளை தேனு கூட சந்தோஷமா வாழ்றாரேனு அத பாத்து இவங்க வயிற்று எரிச்சல் பட்டா என்ன பண்றது?

அவ வேற மாசமா இருக்கா. இந்த மாதிரி நேரத்துல யாரோட கெட்ட பார்வையும் என் பொண்ணு மேல படக் கூடாது.” என்று உணர்ச்சிவசப்பட்டு சொன்னாள்.

“மா மெதுவா பேசுங்க. முதல்ல இந்த இடத்துல இதை எல்லாம் பேசவே கூடாது. அவங்களுக்கு இங்கிலீஷும் ஹிந்தியும் தான் தெரியும் போல இருக்கு. அதுக்காக தமிழ் கொஞ்சம் கூட புரியாதுன்னு நம்மள நினைச்சுக்க கூடாது.

அவங்க கேக்கலனா கூட பரவால்ல. வேறு யாராவது கேட்டாலும் பிரச்சனை தானே.. அவங்க அக்கா கிட்ட நல்ல விதமா தான் பேசுறாங்க. ஏதாவது அவங்களால பிரச்சனை வந்தாலும் அதை மாமாவே பாத்துக்குவாரு. நம்ம எதுவும் பண்ணாம சும்மா இருந்தாலே போதும்.

உங்களுக்கு பயமா இருந்துச்சுன்னா நீங்க அக்கா கூடையே இருந்து அவளை பத்திரமா பாத்துக்கோங்க. அதை மட்டும் தான் நம்மளால செய்ய முடியும்.” என்றான் ஆதவன்.

அனைவரும் சாப்பிட்டு முடித்துவிட்டு அவரவர் வேலையை பார்ப்பதற்காக எழுந்து சென்று விட்டார்கள். வெளியில் சென்று விட்டு வந்தால் நிம்மதியாக இருக்கும் என நினைத்த தேன்மொழி ஜானகியிடம் சென்று கோவிலுக்கு செல்லலாமா என கேட்க, அதற்கு சரி என்றாள் அவள். சோனியாவும் அவர்களுடன் வருவதாக சொன்னதால் நால்வரும் கிளம்பி கோவிலுக்கு சென்றார்கள். புதிதாக வந்த நார்த் இந்தியன் ஃபேமிலியை விஜயாவிற்கு ஏனோ பிடிக்கவில்லை. அதனால் அவள் அவர்களுடன் செல்லவில்லை.

ஹாலில் அமர்ந்து டிவி பார்த்துக் கொண்டு இருந்த ஆருத்ராவின் அருகில் சென்று அமர்ந்த ஆதவன் “ஹே ருத்ரா.. இப்படி வீட்டிலேயே உட்கார்ந்து எவ்ளோ நேரம் டிவி பாத்துட்டு இருப்ப? உனக்கு போர் அடிக்கலயா? அன்னைக்கு நம்ம வீட்ல இருக்கும்போது நீ என் கிட்ட உன்னை கிரவுண்டுக்கு கூட்டிட்டு போக சொன்னேன்ல!

இன்னிக்கு நாங்க சும்மா டீம் செட் பண்றதுக்கு பிளான் பண்ண கிரவுண்டுக்கு போறோம். ப்ராக்டிஸ் எல்லாம் இருக்காது. நீ என் கூட வரியா? நம்ம அங்க போயிட்டு  அப்படியே பக்கத்துல வேற எங்கயாவது போலாம்!” என்று கேட்டான்.

உடனே அவனுக்கு என்ன பதில் சொல்வது என்று தெரியாமல் திருத்திருவென்று விழித்த ஆருத்ரா “நான் எப்படி உங்க கூட வர்றது?” என்று தயக்கத்துடன் கேட்டாள். “ஏன் என் கூட வர்றத்துக்கு என்ன? எப்படியும் நீ யார் கூட வெளியே போனாலும் உன்ன சுத்தி பாடி கார்ட்ஸ் இருக்க தான் போறாங்க. அப்புறம் என்ன?

வீட்ல இருக்குறவங்க கிட்ட சொல்லாம எப்படி போறதுன்னு கேக்குறியா? நான் வேணும்னா அக்காவுக்கு கால் பண்ணி இன்ஃபார்ம் பண்ணிடுறேன்!” என்றான் ஆதவன்.

அப்போதும் ஆருத்ரா “அது இல்ல அங்கிள்!” என்று இழுக்க, வேறு யாரோ ஒருவரிடம் பேசுவதைப் போல அவள் தன்னிடம் பேசிய பிறகு தான் தேன்மொழியையே இன்னும் அவள் முழு மனதாக தன் அம்மாவாக ஏற்றுக் கொள்ளவில்லை என்று ஆதவனுக்கு ஞாபகம் வந்தது.

ஆனால் இவ்வளவு நாட்களாக தன் பின்னே மாமா மாமா என்று சுற்றிக் கொண்டிருந்த ஆருத்ரா திடீரென்று அப்படி பேசியது அவனுக்கு கொஞ்சம் கஷ்டமாக இருக்க கண் கலங்கிய ஆதவன், “என்ன பாப்பா.. அக்கா உனக்கு நிஜமான அம்மா இல்லைன்னு தெரிஞ்சதுக்கு அப்புறம், நான் உனக்கு மாமா இல்லைன்னு முடிவு பண்ணிட்டியா? இதுவரைக்கும் மாமா மாமான்னு கூப்பிட்டு இருந்துட்டு இப்ப திடீர்னு அங்கிள்னு மாத்தி பேசுற!

பட் எங்களுக்கு இந்த மாதிரி எல்லாம் திடீர் திடீர்னு மாற தெரியாது. நானும் சரி எங்க அக்காவும் சரி, உங்க எல்லாரையுமே எங்க ஃபேமிலில ஒருத்தவங்களா தான் பாக்குறோம். ஆனா நீயும் சித்தார்த்தும் தான் உங்க ஃபேமிலிகுள்ள எங்களை வரவிட மாட்டேங்கறீங்க.

இட்ஸ் ஓகே, நீங்க ரெண்டு பேரும் இன்னும் சின்ன பிள்ளைங்க தானே.. உங்கள என்ன சொல்றது.. சாரி இனிமே நான் உன்னை இந்த மாதிரி எல்லாம் கேட்டு டிஸ்டர்ப் பண்ண மாட்டேன். நடந்ததை மறந்துட்டு முன்னாடி மாதிரி ஏதோ எங்க அக்கா பொண்ணுன்ற உரிமைல பேசிட்டேன்.” என்று தொண்டை அடைக்க சொன்னவன் எழுந்து சென்று விட்டான்.

அவன் அப்படி மனம் உடைந்து செல்வதை பார்க்கவே ஆருத்ராவிற்கும் கஷ்டமாக இருந்தது. அவளுக்கு ஆதவனை மிகவும் பிடித்திருந்தது. தேன் மொழியின் குடும்பத்தை அவள் மிகவும் நேசித்தாள். ஆனால் அவர்களை ஏற்றுக் கொள்ள ஆதவன் சொன்னதைப் போல இன்னும் அவள் மனதில் நெருடலாகவே இருந்தது.

மீண்டும் வருவாள் 💕

(என்னை மறக்காமல் பிரதிலிப்பியில் ஃபாலோ செய்யுங்கள் மற்றும் நமது தேனருவி தமிழ் நாவல்ஸ் facebook குரூப்பில் இணையுங்கள் ❤️)