அவனின் மஞ்சத்தில் தேன்மொழி CH 201

அத்தியாயம் 201

தான் இந்த இடத்தை விட்டு தப்பித்து செல்ல வேண்டும் என்றால் தன் சொந்த குழந்தை வர்ணிகாவை பனைய கைதியாக பயன்படுத்துவதை தவிர வேறு வழி இல்லை என்று நினைத்த சந்தோஷ் அனைவரும் தன்னையே பார்த்துக் கொண்டு இருப்பதால் முதலில் அவர்களது கவனத்தை திசை திருப்ப வேண்டும் என நினைத்து சட்டென பின்னே திரும்பி “நான் அர்ஜுன் கிட்ட மாட்டிகிட்டதுக்கு முக்கிய காரணமே இந்த சுனில் தான். இந்த அர்ஜுன் அவன் பொண்டாட்டி  செத்துப்போன ஃபீலிங் கொஞ்சம் கூட இல்லாம ‌ அவளை மாதிரியே இன்னொருத்தி கெடச்ச உடனே அவ கூட சந்தோஷமா குடும்பம் நடத்தி புள்ளை பெக்க போறான். ஆனா இவன் அவங்களுக்கு சப்போர்ட் பண்ணி என்ன அவன் கிட்ட காட்டி குடுத்துட்டான். கண்டிப்பா அதுக்கு நான் இவனுக்கு பனிஷ்மென்ட் குடுத்தே ஆகணும்.” என்று நினைத்து அவனிடம் இருந்த துப்பாக்கியால் சட்டென சுனிலை சுட்டான்.

அதில் அவன் தன் வயிற்றைப் பிடித்துக் கொண்டு கீழே விழ , “சுனில்” என்று அர்ஜுன் கத்தியதால் அங்கே இருந்த பாடிகார்ட்ஸ் சுனிலை நோக்கி   அவனை மெடிக்கல் டீமுக்கு அனுப்புவதற்காக சென்றார்கள். அந்த கேப்பை பயன்படுத்திக் கொண்டு எப்படியாவது எமர்ஜென்சி எக்ஸிட் வழியாக வெளியில் தப்பித்து சென்றுவிட வேண்டும் என நினைத்த சந்தோஷ் தனக்கு மிக அருகில் நின்று கொண்டு இருந்த பிரிட்டோவை வேகமாக ஓடிச் சென்று எட்டி உதைத்து விட்டு அவனைக் கடந்து தன் குழந்தையுடன் வெளியே செல்ல முயன்றான்.

தனது கண்களுக்கு முன்னே தனது கணவனால் சுனில் சுடப்பட்டு ரத்த வெள்ளத்தில் கிடப்பதை கண்டு அதிர்ந்த ஜனனி இப்போது அவன் தனது குழந்தையுடன் எஸ்கேப் ஆக முயற்சி செய்வதைக் கண்டு பயந்து போய் “ஐயோ என் குழந்தை! ப்ளீஸ் யாராவது அவனை புடிங்க. என் குழந்தையை அவன் கிட்ட இருந்து வாங்குங்க!” என்று தனது அடித் தொண்டையில் இருந்து கத்தினாள்.

அதனால் அர்ஜுன் சந்தோஷ் பக்கம் மீண்டும் தன் துப்பாக்கியை திருப்பி “அங்கயே நில்லு சந்தோஷ்! நீ ஒரு ஸ்டெப் முன்னாடி நகந்தா கூட நான் உன்னை சுட்றுவேன்.” என்று சொல்லிவிட்டு தன்னிடம் இருந்த இன்டர்காம் மூலமாக “சுனிலை உடனே வெளிய கூட்டிட்டு போங்க. மெடிக்கல் டீம் கிட்ட அவன அனுப்புங்க. உடனே அவனை ஹாஸ்பிடல்ல அட்மிட் பண்ண சொல்லுங்க. சுனில் இங்க இருந்து வெளிய போன அடுத்த செகண்ட் எமர்ஜென்சி எக்ஸிட் க்ளோஸ் ஆகணும். என்ன ஆனாலும் இந்த சந்தோஷ் இங்க இருந்து வெளிய போகவே கூடாது.” என்று கட்டளையிட்டான்.

“என் பக்கத்துல வராத அர்ஜுன். நீ ஒரு ஸ்டெப் முன்னாடி எடுத்து வச்சாலும் நான் சொன்ன மாதிரி வர்ணிக்காக சுட்டுடுவேன்.” என்று சந்தோஷ் அர்ஜுனை பார்த்து மிரட்ட, தன் கையில் இருக்கும் சுவஸ்திகா ஒரு பக்கம் அங்கே நடக்கும் கலவரத்தை பார்த்து அழுது கொண்டு இருக்க, இன்னொரு பக்கம் சந்தோஷின் கையில் இருக்கும் வர்ணிகா தன்னைப் பார்த்து “ம.. ம.. மாமி..!!” என்று திக்கி தினறி சொன்னபடி அழுது கொண்டு இருப்பதையும் கண்டு மனம் உடைந்து போன ஜனனி சந்தோஷின் மீது முதல் முறையாக கோபம் கொண்டு ஆத்திரம் பொங்க “உனக்கு எல்லாம் கொஞ்சம் கூட மனசாட்சியே இல்லையாடா? உன்ன மாதிரி ஒரு கேவலமான ஆள நான் பார்த்ததே இல்லை.

பெத்த பொண்ணயே கொன்னுடுவேன்னு சொல்றடா .. சைக்கோ.. ச்சீ.. உனக்கெல்லாம் எதுக்கு கல்யாணம்? குழந்தை எல்லாம்? தூ…!! உன்ன மாதிரி ஒருத்தனுக்காக என் அண்ணனை எதிர்த்து பேசி உனக்கு சப்போர்ட் பண்ணிட்டு இருந்தத நினைச்சாலே எனக்கு அசிங்கமா இருக்கு! அப்படி அந்த சின்ன குழந்தைய வெச்சு கேவலமா இங்க இருந்து தப்பிக்கணும்னு யோசிக்கிறியே அப்படி நீ வெளிய‌ போய் வாழ்ந்து என்னடா கிழிக்க போற?

ஒழுங்கு மரியாதையா என் பொண்ண என் கிட்ட கொடுத்திடு. இனிமே உனக்கும் எனக்கும் என் குழந்தைகளுக்கும் எந்த சம்பந்தமும் கிடையாது. மரியாதையா என் குழந்தையை என் கிட்ட கொடுத்துட்டு இங்கிருந்து ஓடி போயிரு.” என்று கத்தினாள்.

தன் மகள் வர்ணிகாவை தனது தோள்களில் போட்டு தட்டிக் கொடுத்த சந்தோஷ் “சரி சரி செல்லம் அழாத!” என்று குழந்தையிடம் சொல்லிவிட்டு பின் ஜனனியை பார்த்து “நான் இவள குடுத்துட்டா உங்க அண்ணன் உடனே என்னை விட்டுருவானா? இத நம்புற அளவுக்கு என்ன பாத்தா லூசு மாதிரி தெரியுதா? நான் இங்க இருந்து வெளியே போக தான் போறேன்.‌ ஆனா என் பொண்ணோட தான் இங்க இருந்து போவேன். நீங்க எங்க ரெண்டு பேரையும் வெளிய விடமாட்டேன்னு அடம் பிடிச்சா முதல்ல என் பொண்ணை கொன்னுட்டு நானும் சுட்டுக்கிட்டு செத்துப் போயிடுவேன். என்ன கொல்றதுக்கு ஒரு பர்சன்ட் கூட நான் உனக்கு சான்ஸ் குடுக்க மாட்டேன் அர்ஜுன்.” என்று அவர்களைப் பார்த்து சொன்னான்.

இதற்கிடையில் இரத்த வெள்ளத்தில் தனது வயிற்றை பிடித்துக் கொண்டு தரையில் விழுந்து கிடந்த சுனிலை அர்ஜுனின் ஆட்களில் சிலர் தூக்கிக் கொண்டு வெளியில் செல்ல, எமர்ஜென்சி எக்ஸிட் லாக் செய்யப்பட்டது. தன்னிடம் இனிமேல் வெகு நேரத்திற்கு அர்ஜுன் பேச்சு வார்த்தை எல்லாம் நடத்திக் கொண்டு இருக்க மாட்டான்‌ என்று நினைத்த சந்தோஷ் அந்த இடத்தை விட்டு ஓடி செல்ல முயற்சி செய்தான்.

எமர்ஜென்சி எக்ஸிட் மூடப்பட்டாலும் அந்த பிரம்மாண்ட ப்ளே ஏரியாவில் அவன் தன் குழந்தையுடன் அப்படியும் இப்படியும் ஆக ஓடி சென்று போக்கு காட்டினால் ஒருவேளை சில நிமிடங்களுக்கு பின் அர்ஜூன் தன்னை குழந்தையுடன் விடுவிக்க கூட ஒரு வாய்ப்பு இருக்கிறது என்று நினைத்து ஓட தயாரானான் சந்தோஷ்.

அவன் உழைத்து தள்ளியதில் தரையில் விழுந்து கிடந்த பிரிட்டோ எப்படியாவது அவன் அருகில் சென்று விட வேண்டும் என நினைத்து அப்படியே மெல்ல உருண்டு அவனுக்கு மிக அருகில் சென்று கொண்டு இருந்தான்.   ஆனால் சந்தோஷ் உட்பட யாரும் அதை கவனிக்கவில்லை. ஆனால் சந்தோஷுன் ஒவ்வொரு அசைவையும் கூர்ந்து கவனித்துக் கொண்டு இருந்த பிரிட்டோ அவன் ஓடப் போகிறான் என உணர்ந்து சுதாரித்துக் கொண்டு ஒரு பல்டி அடித்து அவன் அருகில் சென்று அவனது கால்களை பிடித்து லாக் செய்தான்.

அவன் திடீரென அப்படி செய்ததால் தடுக்கி கீழே விழ போன சந்தோஷ் அவன் தோள்களில் கிடந்த வர்ணிகாவை கீழே தவற விட்டான். கண்ணிமைக்கும் நொடியில் அது நடந்துவிட, ஒரு குட்டிக்கரணம் அடித்து குழந்தைக்கு அருகில் சென்ற பிரிட்டோ குழந்தை கீழே விழுவதற்குள் அவளை லாபகமாக தாங்கி பிடித்து எழுந்து நின்றான். 

ஸ்வஸ்திகாவை கையில் வைத்து இருந்த ஜனனி “வர்ணி!” என்று கத்தியபடி பிரிட்டோவின் அருகில் செல்ல, இடையில் புகுந்து எப்போதும் போல இப்போதும் பிரிட்டோ தன் பிளானை கெடுத்து விட்டதால் எரிச்சல் அடைந்த சந்தோஷ் வந்த கடுப்பில் பிரிட்டோவை நோக்கி சரமாரியாக சுட்டான்.

தன் கையில் அவனது குழந்தை இருந்தும் இரக்கமே இன்றி இவன் இப்படி இஷ்டத்திற்கு சுடுகிறானே என்று நினைத்து எரிச்சல் அடைந்த பிரிட்டோ வர்ணிகாவை தன் நெஞ்சுடன் சேர்த்து இறுக்கிப் பிடித்துக் கொண்டு அப்படியே திரும்பி நின்று தரையில் அமர்ந்து விட்டான். அனைத்தும் ஒரு சில நொடிகளில் நடந்து முடிந்து இருந்தாலும் சந்தோஷுன் துப்பாக்கியின் குண்டுகள் பிரிட்டோவின் கை, முதுகு மற்றும் இடுப்பில் பாய்ந்தது.

அதைக் கண்டு “நோ!” என்று அலறிய ஜனனி ‌ ஸ்வஸ்திகாவுடன் அப்படியே மயங்கி விழுந்தாள். சந்தோஷ் பிரிட்டோவை சுடும்போது அவள் பிரிட்டோவிற்கு அருகில் இருந்ததால் அந்த புல்லட்டுகள் பட்டு தெரித்த பிரிட்டோவின் ரத்தம் ஜனனியின் முகத்திலும் பட்டது.

அவள் அன்கான்சியஸாகி தரையில் கிடக்க, அவளுக்கு அருகில் விழுந்து கிடந்த ஸ்வஸ்திகா ஜனனியையும் சந்தோஷையும் மாறி மாறி பார்த்து அழுது கொண்டு இருந்தாள். ஒரு நொடி நடந்த அனைத்தையும் பார்த்து அதிர்ச்சியில் உறைந்த அர்ஜுன் இதற்கு மேல் இந்த நம்பிக்கை துரோகி சந்தோஷை ஒரு நொடி கூட இந்த உலகத்தில் உயிருடன் வாழவே விடக் கூடாது என நினைத்து தனக்கு அருகில் இருந்த பாடிகார்ட் ஒருவனிடம் இருந்து பெரிய துப்பாக்கியை பிடுங்கினான் . நடந்தவற்றை அனைத்தையும் திரும்பி திரும்பி பார்த்தபடி தன் உயிரை காப்பாற்றிக் கொள்வதற்காக ஓடிக் கொண்டு இருந்த சந்தோஷை நோக்கி சுட்டான்.  அர்ஜுனின் துப்பாக்கி குண்டுகள் சந்தோஷின் மீது மழையாக பொழிய, அடுத்த இரண்டாவது நொடியில் செத்து கீழே விழுந்தான் சந்தோஷ்.

அதேபோல குண்டடிப்பட்டு இரத்த வெள்ளத்தில் கிடந்த பிரிட்டோ வர்ணிகாவை தன்னுடன் சேர்த்து அனைத்து படுத்த படி தரையில் ஜனனிக்கு அருகில் விழுந்தான். அவனுக்கு அதிகம் பிளட் லாஸ் ஆனதால் மயங்குவதற்கு முன்பாக  தனக்கு அருகில் மயங்கி கிடக்கும் ஜனனியையும், அவளுக்கு அருகில் அழுதபடி இருந்த சுவஸ்திகாவையும் பார்த்தான் . அதனால் தான் என்ன நினைத்தானோ தெரியவில்லை உடனே தனது நடுங்கும் கையால் தனக்கு அருகில் இருந்த ஜனனியின் கையை பிடித்த பிரிட்டோ தன் கண்களை மூடினான். அவனது மற்றொரு கை வர்ணிகாவை இறுக்கமாக பிடித்து இருந்தது.
‌
மீண்டும் வருவாள் 💕