சாபமாய் வந்த என் உயிரே CH 23

அத்தியாயம் 23:

விஜய் குடிபோதையில் இருக்கும்போது அதை பயன்படுத்தி அவனது அறைக்குள் நுழைந்த ஒரு இளம் பெண் அவனுடன் இணைந்து தன் இரவை கழிக்கிறாள். பிரியாவின் நினைவுகளால் சோகமாக இருந்த விஜய் யாரும் தன்னை வந்து தொந்தரவு செய்யக்கூடாது என்று சொல்லி இருந்ததால், அவனது ஆட்கள் யாரும் விஜயின் அறை பக்கமே வராதது அவளுக்கு இன்னும் தன் வேலையை சுலபமாகியது.

அவள் பாட்டிற்கு சாதாரணமாக அவனது ரூமிற்குள் நுழைந்து அவனைப் பேசி தன் வலையில் விழ வைத்து, அவனுடன் சேர்ந்து இருந்து அதற்கு அடையாளமாக அவனுடன் நெருக்கமாக இருப்பதைப்போல சில ஃபோட்டோக்களையும் எடுத்துக் கொண்டாள். 

வந்தவள் யார் என்று கூட தெரியாத நிலையில் இருந்த விஜய், அது ஒரு வேலை டைரக்டர் ஸ்ரீகாந்தின் மகள் மோனிஷாவாக இருக்கும் என்று நினைத்துக் கொண்டான். 

தான் வந்த வேலை முடிந்தவுடன் விஜயை விட்டு பிரிந்த அந்த இளம் பெண் இப்போது அவள் ஆடைகள் இன்றி இருந்ததால் “ஆனாலும் இந்த விஜய் எல்லாத்துலயும் ரொம்ப ஸ்பீடு தான். இப்படி அநியாயத்துக்கு என் டிரஸ்ஸ கிழிச்சு போட்டுட்டான்!” என்று நினைத்தால் நல்ல  வேலையாக அவளது ஹேண்ட் பேக்கில் ஒரு ஷார்ட் டாப் இருந்ததால் அதை எடுத்து அணிந்து கொண்டு அவளுடைய பெரிய கூலிங் கிளாஸை அணிந்து அவள் முகத்தின் பாதியை அதன் மறைத்துக் கொண்டு விஜயின் ஆட்களின் கண்களில் படாமல் அந்த இடத்தை விட்டு வெளியே சென்று மாயமானாள். 

அவள் சென்றது கூட தெரியாமல் தனது அறையில் உள்ள கட்டிலில் பிறந்த மேனியாக படுத்து கிடந்த விஜய் அவனுக்கு குளிர் எடுத்ததால் தலைவரை போர்வையை இழுத்து போர்த்திக்கொண்டு படுத்துக் கொண்டான். அப்போது அவன் அருகில் ஒரு தலையணை இருக்க, அதை எடுத்து அணைத்துக் கொண்ட பிரியா “இதே மாதிரி நான் உன்னை கட்டி பிடிச்சுக்கிட்டு நிம்மதியா சந்தோஷமா  தூங்கினது எல்லாம் இப்பயும் என் மனசுல அப்படியே இருக்குடி பிரியா. என்னால அதை சாகுற வரைக்கும் மறக்க முடியாது.

நான் மனுஷனா இருந்தது, உன்னோடு சந்தோஷமாய் இருந்தது, நிம்மதியா இருந்தது எல்லாமே அந்த நாள் என் வாழ்க்கையில வர வரைக்கும் தான். எப்போ நீ என்னை விட்டு தூரமா போனியோ, அப்பயே நான் செத்துட்டேன் டி. இப்ப இருக்கிற விஜய் உண்மையான விஜயே இல்ல. என்னை இந்த அளவுக்கு மாத்திட்டியே! உனக்கு கொஞ்சம் கூட மனசாட்சி இல்லையா டி? ஒரு நாள் அட்லீஸ்ட் ஒரு செகண்ட் கூட நீ என்ன உண்மையான லவ் பண்ணலையா? ஏன் பண்ணல? உன் லவ்வுக்கு எனக்கு தகுதி இல்லைன்னு நினைச்சிட்டியா? இல்ல நீ எதிர்பார்த்த மாதிரி நான் உன்னை பார்க்கவில்லையா?

எல்லா தப்பையும் பண்ணிட்டு நீ ஈசியா செத்து போயிட்ட டி. ஆனா உன்னை நினைச்சு நினைச்சு ஒவ்வொரு செகண்டும் நான் தான் செத்துக்கிட்டு இருக்கேன்.” என்று தலகாணி இடம் புலம்பிக் கொண்டு இருந்த விஜய்க்கு  ‌ இருந்த போதையில் சற்று முன் அங்கே ஒருத்தி வந்துவிட்டு சென்றதும், அவன் அவளுடன் ஜாலியாக சரசமாடியதும் எதுவுமே ஞாபகம் இல்லை.

பின் அப்படியே சோர்வாக இருந்ததால் தன்னையும் அறியாமல் உறங்கிப் போனான் விஜய். ஆனால் பாவம் அவனது அஸ்திவாரத்தையே ஆட்டம் காண வைக்கும் அளவிற்கு காலையில் ஒரு சம்பவம் நடக்கப்போவது அவனுக்கு தெரியாது.  அதற்கு காரண கர்த்தாவும் அவனே தான்.‌ ஆனால் அவனுக்கு அது தெரிய வந்தால் அப்போது என்ன நடக்குமோ! 

தான் வெளியில் சென்றாலே தன் வீட்டில் உள்ளவர்கள் எல்லாம் அவளது அண்ணன்மார்கள் விஜயின் முன்னேயும், ஊர் மக்களின் முன்னேயும் அவமானப்பட்டு நின்னதற்கு அவள் தான் காரணம் என்று சொல்லி அவள் வீட்டில் உள்ள அனைவரும் சரமாரியாக வசை பாடுகிறார்கள் என்பதால் இரவு வரையிலும் எதற்கும் வெளியில் வராமல் சோகமே உருவாக தன் அறைக்குள்ளேயே அமர்ந்து இருந்தாள் அமுதா.

அவளது மிருதுவான கன்னங்களில் இப்போதும் கூட கண்ணீர் கோடுகள் மின்னியது. விஜய் வந்து சென்ற பிறகு டைரக்டர் ஸ்ரீகாந்த் அமுதாவின் அக்ரீமெண்ட் தொடர்பாக பேச வேண்டும் என்பதற்காக விஜயின் கட்டளையின் பேரில் தனது அசிஸ்டன்ட் ஒருவனை அமுதாவின் வீட்டிற்கு அனுப்பி வைத்திருந்தான். அப்போது அமுதாவிடம் அவன் பேசினால் சரியாக இருக்காது என்று நினைத்த வெற்றி எப்படியும் அவனே அவளுக்கு மேனேஜராக இருக்க ஒப்புக் கொண்டான் என்பதால், “நீங்க எதுவா இருந்தாலும் என் கிட்ட பேசுங்க. அமுதாவை பற்றி எந்த டீடைல்ஸ் வேணும்னாலும் நானே சொல்றேன். எல்லாமே ரெடியா ஆனதுக்கப்புறம் டாக்குமெண்ட்டை என் கிட்ட குடுங்க.  ‌ நான் எல்லாம் கரெக்டா இருக்கான்னு படிச்சு பார்த்துட்டு அவ கிட்ட சைன் வாங்கி தரேன்.” என்று சொல்லி அங்கே வந்த டைரக்டரின் அசிஸ்டன்ட் உடன் தானும் வெளியில் கிளம்பி விட்டான்.

அவனை அழைத்து சென்று அமுதாவுடன் விஜயின் ப்ரொடக்ஷன் கம்பெனி போடவிருக்கும் இரண்டு வருட காண்ட்ராக்ட் பற்றியும், இப்போது அமுதா செகண்ட் ஹீரோயின் ஆக நடிக்கவிருக்கும் படத்தின் கதை மற்றும் அதில் அவளுடைய கதாபாத்திரம், அவளுக்கு அதில் வழங்கப்படும் சம்பளம் என அனைத்தையும் டைரக்டரின் அசிஸ்டன்ட் வெற்றியிடம் விளக்கிச் சொன்னான். 

வெற்றி ஒன்றும் படிப்பாளி எல்லாம் கிடையாது. இருப்பினும் பேருக்கு ஒரு டிகிரி ஆவது படிக்க வேண்டும் என்று நினைத்து அவனுக்கு ஏதோ கொஞ்சம் மேக்ஸ் வரும் என்பதால் அக்கவுண்ட்ஸ் குரூப் எடுத்து படித்து பார்டரில் பாஸாகி டிகிரி முடித்தான். அதனால் அந்த அசிஸ்டன்ட் டைரக்டர் சொன்ன ஏராளமான விஷயங்கள் அவனது மூளைக்கு புரிந்துகொள்ள அப்பாற்பட்டதாக இருந்தது.

இருப்பினும் அமுதாவிற்காக என்று யோசித்து தனக்கு தெரியாதவற்றை கொஞ்சம் கூட கௌரவம் பார்க்காமல் அந்த அசிஸ்டன்ட் இடமே கேட்டு தெரிந்து கொண்ட வெற்றி அனைத்தையும் பேசிவிட்டு கிட்டத்தட்ட இரவு எட்டு மணி அளவில் தான் வீட்டிற்கு வந்து சேர்ந்தான். 

எப்போதும் அந்த நேரத்தில் எல்லாம் அவர்கள் வீட்டில் உள்ள அனைவரும் சாப்பிட்டு முடித்து தூங்க சென்று விடுவார்கள். இல்லை என்றால் டிவி பார்த்தபடி சாப்பிட்டுக் கொண்டு இருப்பார்கள். ஆனால் அந்த வீடு அப்போது மிகவும் அமைதியாக இருந்தது. அதை வைத்தே இன்னும் எதுவும் சரியாகவில்லை என்று புரிந்து கொண்டு நேராக அவன் அமுதாவின் அறையை நோக்கி சென்றான். 

கதவு உள்ள இருந்து லாக் செய்யப்பட்டு இருக்க, “எப்படியும் அவ தூங்கி இருக்க மாட்டா. சாப்பிட்டாளோ இல்லையோ தெரியல. முதல்ல அவளை சாப்பிட வைக்கணும். அப்புறம் இந்த டாக்குமெண்ட்.. இத பத்தி அவ கிட்ட சொல்லி சைன் வாங்கணும். பெரிய மாமா கிட்ட வேற எல்லாத்தையும் நான் பார்த்துக்கிறேன்னு வீராப்பா சொல்லிட்டு வந்துட்டேன். ஆனா இங்க எனக்கே ஒரு மயிரும் தெரியல.

இதுல நான் எண்ணத்தை புரிஞ்சுகிட்டு இவ கிட்ட வந்து சொல்லி அதை மத்தவங்களுக்கு எல்லாம் புரிய வச்சு இவள ஹீரோயின் ஆக போறேனோ தெரியல!” என்று நினைத்து பெருமூச்சு விட்ட வெற்றி அமுதாவின் அறை கதவை தட்டினான். 

கட்டில் காலில் சாய்ந்து தரையில் குத்தவைத்து அமர்ந்திருந்த அமுதா அந்த சத்தம் கேட்டு உடனே பயந்து திடுக்கிட்டு எழுந்து நின்றாள்.‌ “வெற்றி என்ன யாரும் டிஸ்டர்ப் பண்ண கூடாதுன்னு சொன்னதுக்கு அப்புறம் இந்த பக்கம் இவ்வளவு நேரமா யாருமே வரலையே! இப்ப யாரு வந்து கதவை தட்டறது? ஒருவேளை பெரிய அண்ணனா இருக்குமோ? இல்லைனா சின்ன அண்ணனா? ஐயையோ என்ன பண்றது? இப்ப தான் எல்லா பிரச்சனையும் ஓஞ்ச மாதிரி இருந்துச்சு. அதுக்குள்ள மறுபடியும் இன்னொரு பிரச்சனையா?” என்று நினைத்து பயந்த அமுதா கதவை திறக்க தயங்கினாள். 

இத்தனை வருடங்களாக அவளுடன் பழகிய அவனுக்கா அவளை பற்றி தெரியாது? அவள் எதையும் சொல்லாமலேயே அவள் பயத்தை புரிந்து கொள்ள வெற்றி “ஏய் புள்ள அமுதா.. கதவ தொற. நான் தான் வெற்றி. சீக்கிரம் கதவ தொற. நீ பயந்துகிட்டு கதவை திறக்காம இருக்கிறியன்னு நான் திரும்பத் திரும்ப தட்டிக்கிட்டே இருந்தா இந்த சத்தம் கேட்டு வேறு யாராவது வந்துருவாங்க. அப்புறம் மறுபடியும் எல்லாமே முதல்ல இருந்து ஆரம்பிச்சதுனா, எல்லாரையும் சமாளிக்கறதுக்குள்ள பொழுது விடிஞ்சிடும் கதவ தொற.” என்று மெல்லிய குரலில் சொன்னான்.

அவன் அமைதியான குரலில் பேசியதால் அரைகுறையாக தான் அமுதாவிற்கு அவன் குரல் கேட்டது‌. இருப்பினும் அவனது குரலை வைத்து வந்திருப்பது வெற்றி தான் என்று கண்டு கொண்ட அமுதா மெல்ல நடந்து கதவின் அருகே சென்று நடுங்கிய கைகளுடன் கதவை திறந்தாள். அதற்கு காரணம் காலையில் அவள் செல்ல  அண்ணன் அவள் கண்ணம் பழுக்க  வைத்தது இப்போது வரை அவளுக்கு வலிப்பது போல ஒரு உணர்வு இருந்தது.

அவள் கதவை திறந்தவுடன் உள்ளே சென்று கதவை லாக் செய்த வெற்றி “எவ்வளவு நேரம் கதவ தட்டறது துறக்க மாட்டியா நீ? நான் வெளியே நின்னு உன் கிட்ட பேசிட்டு இருக்கிறதை யாராவது பார்த்தா மறுபடியும் சண்டை வைக்க வர மாட்டாங்களா?” என்று கேட்க, “சரி‌ டா சரி டா சாரி திட்டாத.. ஏற்கனவே எல்லாரும் என்னை ஷிப்ட் போட்டு திட்டிட்டு இருக்காங்க. எனக்காக பேசுற ஒரே ஆளு நீ மட்டும் தான். நீயும் என்னை திட்டாத.”  என்று தன் முகத்தை பாவமாக வைத்துக் கொண்டு சொன்னாள் அவள்.

“அச்சோ உன்னை திட்டி எனக்கு என்ன டி ஆக போகுது? இந்த டாக்குமெண்ட்டை புடி. இதை டைரக்டர் சாரோட அசிஸ்டன்ட் கொடுத்தாரு. விஜய் சார் உங்கிட்ட இதுல சைன் வாங்கிட்டு வர சொன்னாராம். நான் இத பத்தி எல்லா டீடைல்ஸும் அவங்க கிட்ட விசாரிச்சுட்டு நீ நடிக்கப் போற படத்த பத்தி எல்லாம் பேசிட்டு வந்துட்டேன். இந்த ஒரு படத்துல உனக்கு நடிக்கறதுக்கு 20 லட்சம் சம்பளமாம். அதுவும் உனக்கு இவ்வளவு சம்பளம் தரணும்னு விஜய் சார் அவரே முடிவு பண்ணிருக்காராம். இன்னும் இரண்டு வருஷத்துக்கு விஜய் சாரோட ப்ரொடக்‌ஷன்ல மட்டும்தான் நீ நடிக்கணும்னு இந்த அக்ரிமெண்ட்ல போட்டு இருக்காம். நான் படிச்சு பாத்துட்டேன். அந்த பையன் கிட்டயும் பேசிட்டேன். இந்தா நீயும் படிச்சு பாத்துட்டு சைன் போடு.” என்ற வெற்றியின் அவள் கையில் அந்த டாக்குமெண்டை கொடுத்தான். 

அதில் இருந்தவற்றை படித்துப் பார்த்த அமுதாவின் கண்கள் ஆச்சரியத்தில் விரிந்தது. சினிமாவில் நடிப்பவர்கள் அதிக சம்பளம் வாங்குவார்கள் என்று அவளுக்கு தெரிந்தது தான். ஆனால் இந்த ஒரு படத்திற்காக அவளுக்கு இருபது லட்சம் சம்பளம் வழங்கப்படுகிறது என்று அவளால் நம்பவே முடியவில்லை.

அதுவும் குறிப்பாக வெற்றி இது விஜய் முடிவு செய்தது என்று சொன்னதை கேட்டவுடன் “விஜய் சார் நெஜமாவே ரொம்ப நல்லவரு. அதனால தான் அவரை எல்லாருக்கும் ரொம்ப பிடிக்குது. அவரை மாதிரி ஒருத்தரை நான் பார்த்ததே இல்லை. அவரை என் வாழ்க்கையில ஒரு தடவையாவது பாத்திட முடியாதான்னு நெனச்சேன். இப்ப அவருடைய சேர்ந்து நடிக்கிற வாய்ப்பு எனக்கு கிடைச்சிருக்கு அதுவும் அவருக்கு செகண்ட் ஹீரோயினா!

கடவுளே நேர்ல வந்து வரம் கொடுக்கிற மாதிரி விஜய் சார் தானா எனக்கு இந்த வரத்தை கொடுத்திருக்காரு. இன்னைக்கு எனக்கு அவர் தான் கடவுள் மாதிரி தெரியுறாரு. அவரோட die hard fanஆ அவர் என் மேல நம்பிக்கை வைத்து இந்த சான்ஸ் எனக்கு கொடுத்ததுக்காக என்னோட பெஸ்ட்டை கண்டிப்பா கொடுப்பேன்.” என்று நினைத்த அமுதா அந்த அக்ரீமெண்டில் கையெழுத்து போட்டு கொடுத்தாள். 

இரு வேறு துருவங்கள் இணையுமா?

– காதல் மலரும்

***