சாபமாய் வந்த என் உயிரே CH 20

அத்தியாயம் 20: ஹீரோயின் ஆகும் அமுதா 

விஜய் பாஸ்கரனை விட்டுவிட, “என்ன அண்ணே போயும் போயும் இவனையெல்லாம் பயந்து இப்படி ஒரு முடிவு எடுத்துட்டீங்க! நம்ம குடும்பத்துக்கு இது எல்லாம் சரிப்பட்டு வராது என்று சொல்லுங்க. எது நடந்தாலும் நம்ம பாத்துக்கலாம்.” என்று முதலில் இருந்து ஆரம்பித்தான். அதனால் பெருமூச்சு விட்ட வெற்றி “அத எல்லாம் பெரிய மாமா பேசிக்கட்டும் நீ முதல்ல வா மாமா.” என்றவன் பாஸ்கரனை இழுத்து கொண்டு அந்த வீட்டை விட்டு வெளியேறி விட்டான்.

அவன் சென்ற பின்பு இந்த பிரச்சினையை சுமுகமாக முடிக்க நினைத்த மணிகண்டன் விஜயுடன் அனைத்தையும் தெளிவாக பேசி ஒரு முடிவுக்கு வந்தான். அமுதா நடிக்கப் போகும் படத்திற்கு அட்வான்ஸ் ஆக ஒரு லட்சம் ரூபாய்க்கு செக் போட்டு அதை மணிகண்டனின் கையில் கொடுத்துவிட்டு “நாளைக்கு ஷூட்டிங் வந்துரு“ என்று அமுதாவை பார்த்து ‌ சொன்ன விஜய் தான் கையுடன் கொண்டு வந்து இருந்த டாக்குமெண்டில் அவளிடம் கையெழுத்து வாங்கிக் கொண்டு டைரக்டர் ஸ்ரீகாந்த் உடன் அவளது வீட்டில் இருந்து வெளியேறினான்.

அவர்கள் இருவரும் விஜயின் காரில் ஏறிவிட, “சார் ஆப் ஸ்கிரீன்ல கூட நீங்க செம மாஸ் சார். இப்ப நடந்தது மட்டும் அப்படியே சூட் பண்ணி படத்துல ஒரு சீன் வச்சா தியேட்டர்ல விசில் பறக்கும். நான் கூட ஒவ்வொருத்தனும் எருமை மாடு கனகா இருக்கானே இவங்கள எப்படி சமாளிக்கிறது என்று நினைத்து பயந்துட்டே இருந்தேன். ஆனா நீங்க ஈஸியா அவங்களை லெப்ட்ல ஹாண்டில் பண்ணிட்டீங்க.” என்று சொல்லி விஜயை நினைத்து பெருமையாக பேசிக் கொண்டு இருந்தான் ஸ்ரீகாந்த்.

அதை எல்லாம் கண்டுகொள்ளாமல் வெளியில் தெரிந்த காட்சிகளை பார்த்துக் கொண்டு இருந்தான் விஜய். இன்று அமுதா அவனது கால்களில் விழுந்து கெஞ்சியது அவனுக்கு சில வருடங்களுக்கு முன் பிரியா அவனது கால்களில் விழுந்து “நான் எந்த தப்பும் செய்யல விஜய் ப்ளீஸ் என்னை நம்பு.” என்று கெஞ்சியதை ஞாபகப்படுத்தியது. அதனால் அவன் சற்று distrubed ஆக இருந்தான். அவனது முகம் இறுக்கமாகிவிட, அவனது இதயம் முழுவதும் பரவி கிடந்த பிரியாவின் ஞாபகங்கள் அவனை போட்டு வாட்டியது.

அவன் சோகமாக இருப்பதை கவனித்த ஸ்ரீகாந்த் “என்னாச்சு சார் திடீர்னு ஒரு மாதிரி ஆயிட்டீங்க?” என்று கேட்க, “ஒன்னும் இல்ல. அமுதா ஃபேமிலில இருக்கிறவங்க அவ நடிக்கிறதுக்கு ஓகே சொல்லிட்டாங்க என்பதற்காக அப்படியே அவளை கண்டுக்காம விட்றாதீங்க. அவ நம்ம கம்பெனில ஒர்க் பண்றதுக்கு 2 இயர்ஸ் அக்ரிமெண்ட் ரெடி பண்ணுங்க. இன்னைக்கே அவகிட்ட அதுல சைன் வாங்குறீங்க. 

இந்த மாதிரி கிராமத்தில இருக்கிறவங்க எல்லாம் வெட்டி ரோசம் கௌரவம்னு பேசிக்கிட்டு அவனுங்க இஷ்டத்துக்கு ஏதாவது யோசிச்சு அந்த பொண்ண எங்கேயாவது மறைச்சு வச்சாலும் வச்சிருவாங்க. நம்ம அதுக்கு எந்த சான்ஸும் கொடுக்கக் கூடாது.” என்றான் விஜய். 

“ஓகே சார், நம்ம ஆளுங்கள அந்த பொண்ணு வீட்டு பக்கம் என்ன நடக்குதுன்னு பாக்குறதுக்கு அனுப்பி வைக்கிறேன். பட் அவங்கள சமாளிக்கிறது கூட பெரிய பிரச்சினையில் வையுங்க! அந்த ஆளு பிரசிடெண்ட்டை எப்படி சமாளிக்கிறது? நீங்க இப்படி ஊருக்குள்ள வந்து அமுதாவை உங்க படத்துல நடிக்க சொன்னது இந்நேரம் அந்த ஆளுக்கு தெரிஞ்சிருக்கும். அவனோட பொண்ண செகண்ட் ஹீரோயினா நடிக்க வைக்கிறேன்னு சொன்னதுனால தானே அவன் நமக்கு இவ்ளோ ஃபேவர் பண்றான்! இப்ப அவன் பிரச்சினை பண்ணா அதை சமாளிக்கணும். அதுதான் பெரிய தலைவலி!” என்று ஸ்ரீகாந்த் சொல்ல, 

உடனே அவனைப் பார்த்து முறைத்த விஜய் “எல்லாத்தையும் ப்ரொடியூசர் நானே பண்ணனும்னா, நீ எதுக்குயா இருக்க? தினேஷை கூட்டிக்கிட்டு அந்த ஆள நேர்ல போய் பாரு‌. அவன் பொண்ணு பாக்குறதுக்கு அமுதா அளவுக்கு இல்லைன்னாலும் ஏதோ கொஞ்சம் நல்லா தான் இருக்கா. சோ அவளுக்கு செகண்ட் ஹீரோயின் ஃபிரண்டு கேரக்டர் வேணா கொடுக்கலாம். ஹீரோயின் கேரக்டர் எல்லாம் கொடுக்க முடியாது. அவ ஒரு waste பீஸ். ஒழுங்கா ஆக்டிங் பண்ணவும் தெரியல. டான்ஸ் ஆடவும் தெரியல. அதையெல்லாம் வைத்துக்கொண்டு என்ன பண்றது?” என்று எரிச்சலுடன் கேட்க, 

“நீங்க சொல்றது எல்லாம் கரெக்டு தான் சார். ஆனா அதை போய் அந்த ஆள் கிட்ட சொல்ல முடியாது இல்ல?” என்று பயந்த குரலில் கேட்டான் ஸ்ரீகாந்த். “ஏன் சொல்ல முடியாது? அந்த ஆள் பெரிய இவனா? அவன் ஏதாவது பண்ணானா என் ஸ்டைல்ல அவனை நீங்களே கவனிங்க! அதை மீறீயும் அவன் ஏதாவது பண்ணானா நான் பாத்துக்குறேன்.‌ அந்த பொண்ணுக்கு எல்லாம் ஹீரோயின் ஃபிரண்டு சான்ஸ் கொடுக்கிறதே பெரிய விஷயம்.” என்று விஜய் திட்டவட்டமாக சொல்லிவிட்டான்.‌ 

இதற்கு மேல் இவனிடம் பேசி இவனை கன்வின்ஸ் செய்ய முடியாது என்று நினைத்த ஸ்ரீகாந்த் “இவன் கிட்ட பேசி திட்டு வாங்குறதுக்கு அந்த ஆளு பிரசிடெண்ட் கிட்டயே ஏதாவது பேசி கைல கால்ல விழுந்து அவனை சமாதானப்படுத்திடலாம் போல! நல்ல வேளை இந்த விஜய் மோனிஷா நடிக்கப் போற கேரக்டரை மாத்தாம அந்த பிரசிடெண்ட் பொண்ணு அபிநயாவை மாத்திட்டான். நானே இந்த படத்துல தான் என் பொண்ண ஃபர்ஸ்ட் டைம் ஹீரோயின் ஆக்கப் போறேன். அவளோட ஃபர்ஸ்ட் படத்துல அவளை விட வேற யாரும் ரொம்ப அழகா தெரிஞ்சிட கூடாதுன்னு தான் பிரசிடெண்ட் கேட்டவுடனே அவன் பொன்னை செகண்ட் ஹீரோயினா நடிக்க வைக்க ஒத்துக்கிட்டேன்.

ஆனா இந்த விஜய் எல்லாத்தையும் கெடுத்துட்டான். எனக்கு இப்படி சொல்றதுக்கு வயித்தெரிச்சலா இருந்தாலும் எல்லாரையும் விட அமுதா அழகா இருக்கான்றது தான் உண்மை. மேக்கப் போடாமலேயே இவ்ளோ அழகா இருக்கிற இந்த பொண்ணு, நம்ம மோனிஷா கூட மேக்கப் போட்டுட்டு நடிச்சா அவளோட ஸ்கிரீன் ப்ரெசென்ஸை கண்டிப்பா திருடியிருவா. எல்லாரும் மோனிஷாவை விட்டுட்டு அமுதாவை பத்தி தான் பேசுவாங்க. இதை என்ன பண்ணி சரி பண்றதுன்னு தெரியல. எப்படியாவது அமுதா இந்த படத்துல நடிக்காம இருந்தா நல்லா இருக்கும்.” என்று யோசித்துக் கொண்டிருக்கும் போது அவனுக்கு பிரசிடெண்ட் சிதம்பரத்திடம் இருந்து கால் வந்தது.

“இதோ இப்பதான் நினைச்சேன் அதுக்குள்ள இந்த ஆள் லைன்ல வந்துட்டான்.” என்று உள்ளுக்குள் புலம்பிய ஸ்ரீகாந்த் பிரசிடெண்டின் காலை அட்டென்ட் செய்து பவ்வியமாக “சொல்லுங்க சார்! நானே உங்க வீட்ல நேர்ல வந்து உங்கள பாக்கலாம்னு நெனச்சேன். அதுக்குள்ள நீங்களே கால் பண்ணிட்டீங்க!” என்று சொல்ல, கடும் கோபத்தில் இருந்த பிரசிடெண்ட் “நீ என்கிட்ட என்னயா சொல்ல வேண்டியது இருக்கு? என் பொண்ணை ஹீரோயின் ஆக்குறேனு எனக்கு ஆசை காட்டி எங்க இடத்திலயே சூட்டிங் எல்லாம் பண்ணிட்டு கடைசில எனக்கு ஆகாதவன் வீட்டு பொண்ண உங்க படத்துல நடிக்க வைக்கணும்னு முடிவு பண்ணி இருக்கீங்களாமே! என்ன பாத்தா உனக்கு கேன பையன் மாதிரி தெரியுதா?” என்று கேட்டான்.

“இல்ல இல்ல சார் ஏன் அப்படி எல்லாம் பேசுறீங்க? நான் உங்களை போய் அப்படியெல்லாம் நினைப்பேன? விஜய் சார் அமுதாவை அந்த கேரக்டர்ல போட்டா நல்லா இருக்கும்னு நினைச்சிருக்காரு. அதான் அவர் இப்படி ஒரு டிஷ்ஷன் எடுத்துட்டாரு. ப்ரொடியூசர் சொல்லும்போது நான் என்ன சார் பண்ண முடியும்? நான் விஜய் சார் கூட அவர் தங்கி இருக்கிற ஹோட்டலுக்கு தான் போயிட்டு இருக்கேன். இன்னும் கொஞ்ச நேரத்துல உங்கள வீட்டுக்கு வந்து பார்க்கிறேன். நம்ம நேர்ல பேசிக்கலாம்.”  என்ற ஸ்ரீகாந்த் அதற்கு மேல் பிரசிடென்ட் பேச விடாமல் அவனுடைய அழைப்பை துண்டித்து விட்டான்.‌ 

அவன் பேசியதை கவனித்துக் கொண்டிருந்த விஜய் “என்ன ஸ்ரீகாந்த் என் மேல பழி போட்டு நீங்க தப்பிச்சிக்கலாம்னு பாக்குறீங்களா?” என்று நக்கல் ஆக கேட்க, “இல்ல அது அப்படி இல்ல சார்” என்று ஸ்ரீகாந்த் உருட்ட, “நீ அவன் கிட்ட என்னமோ சொல்லிக்கோ. எனக்கு அதை பத்தி எல்லாம் கவலை இல்லை. அந்த கேரக்டர்ல அமுதா  தான் நடிக்க போறா.‌ அதுல எந்த சேஞ்சும் இல்ல.” என்ற விஜய் அவனது ஹெட்செட்டை எடுத்து காதில் மாட்டிக் கொண்டு தனது மொபைல் ஃபோனில் pubg கேம் விளையாட தொடங்கி விட்டான். 

விஜய் வந்துவிட்டு சென்றதில் இருந்து அமுதாவின் வீடு அப்படியே கலவர பூமியாக மாறி இருந்தது. அவள் இன்னும் தன் வீட்டில் உள்ள ஒரு தூணில் சாய்ந்து அமர்ந்து அழுது கொண்டு இருக்க, “இப்படி குடும்பமானதை வாங்கி சந்தி சிரிக்க வச்சிட்டு இப்ப எதுக்கு டி உக்காந்து கண்ணீர் வடிச்சிட்டு இருக்கிறவ?” என்று கேட்டு மாறி மாறி அவளது குடும்பத்தினர்கள் அவளை திட்டிக் கொண்டே இருந்தார்கள். 

அதைக் கேட்டு அவள் இன்னும் கதறி அழ, “அதான் எப்படியோ அவ படத்துல நடிக்கப் போறான்னு முடிவு ஆயிடுச்சு இல்ல! அப்புறம் என்ன? ஏன் மாறி மாறி எல்லாரும் ஏதாவது பேசி அவளை அழ வச்சுக்கிட்டே இருக்கீங்க? நாளை பின்ன அவ பெரிய நடிகையான நம்ம குடும்பத்துக்கு பெருமை தானே! இனிமே அவளை யாராவது ஏதாவது சொன்னீங்கன்னா எனக்கு கோபம் வந்துரும் பாத்துக்கோங்க.” என்று சொன்ன வெற்றி அமுதாவிடம் “நீ எதுக்கு இங்கேயே உக்காந்து அழுதுட்டு இருக்க? உன்ன பாத்து பாத்து எல்லாரும் திட்டுறது நல்லா இருக்கா உனக்கு? போ, உன்‌ ரூம்ல போய் இரு.” என்றான். 

உடனே தனது தாவணியால் கண்ணீரை துடைத்தபடி அமுதா அவளது அறைக்கு சென்று கதவை தாழிட்டுக்கொள்ள, அந்த அறையை பார்த்தபடி வெளியில் நின்று கொண்டிருந்தான் வெற்றி. அப்போது அவன் அருகில் சென்ற அமுதாவின் பெரிய அண்ணன் மணிகண்டன், “உனக்கு அந்த பிள்ளை மேல பாசம் அதிகம்னு எனக்கு தெரியும். அந்த காதல் மயக்கத்துல கிறுக்கு புடிச்சு போய் தான் நீ அவ என்ன பண்றேன்னு சொன்னாலும் அவளுக்கு வக்காலத்து வாங்கிட்டு திரிஞ்சிட்டு இருக்க! 

இது எல்லாமே நீ அவ புருஷன் ஆக போறவன். அவளுக்கு நீதான் இதை எல்லாம் செய்யணும்னு நினைச்சு தானே செஞ்சுட்டு இருக்க! இவ இப்படி சினிமால ஆடிக்கிட்டு நடிக்கப் ‌ போறதுனால ‌ஒரு நாள் அந்த நினைப்புக்கே ஆப்பு வரும் பாரு.. அன்னைக்கு நான் இதையெல்லாம் வேண்டாம் என்று சொன்னத நீ நினைச்சு பாப்ப.. அப்ப தெரியும் இந்த மாமனோட அருமை என்னன்னு.” என்று சொல்லிவிட்டு தன் தோளில் துண்டை போட்டுக் கொண்டு வயலுக்கு செல்வதற்காக வெளியில் சென்று விட்டார்.

– காதல் மலரும் 🌹