அத்தியாயம் 28 

அனாமிகாவை பார்ப்பதற்காக தனது ஆட்களுடன் காரில் சென்று கொண்டிருந்த விஜய் அமைதியாக இருந்த சூழலில் ஒரு பாடலை கேட்டவுடன் அவன் முந்தைய காலத்தில் பிரியாவுடன் செலவிட்ட இனிமையான தருணங்களை நினைத்துப் பார்த்தான். 

அன்று அவன் அவளுக்காக பாடிய அழகிய பாடலை நினைத்துப் பார்த்த விஜய், “அன்னைக்கு நான் உனக்கு ப்ராமிஸ் பண்ணதுக்கு அப்புறம் சத்தியமா இப்படி எல்லாம் கொஞ்சம் கூட எதிர்பார்க்கல பிரியா. இப்ப வரைக்குமே உனக்கு பண்ண பிராமிசை நான் காப்பாத்திட்டு இருக்கேன் பிரியா. 

அந்த சாங் மட்டும் இல்ல அதுக்கப்புறம் என் லைஃப்ல எந்த சங்கும் நான் யாருக்காகவும் பாடலை. இதுக்கு அப்புறமும் பாட மாட்டேன். அந்த அளவுக்கு நான் உன் மேல லவ் வெச்சிருந்தேன். இப்ப கூட என் மனசுல ஏதோ ஒரு மூலையில அந்த லவ் இருக்கு. பட் நீ என்ன பண்ண? எல்லாத்தையும் கெடுத்துட்ட. மொத்தமா என் லைஃப்ல இருந்த சந்தோஷம் எல்லாத்தையும் தொடச்சி எடுத்துட்டு போயிட்ட. அதுக்கு உனக்கு நான் பனிஷ்மென்ட்டும் கொடுத்துட்டேன். அதுல நீ சிம்பிளா போய் சேர்ந்துட்ட. ஆன ஒவ்வொரு செகண்டும் உன்ன நெனச்சு நான் ஃபீல் பண்ணிட்டு இருக்க மாதிரி பண்ணிட்டியே டி..!!” என்று யோசித்தபடி இறுக்கமான ‌முகத்துடன் இருந்தான். 

(‌ ரீடர்ஸ்க்கு ஒரு குட் நியூஸ். இதுக்கு முன்னாடி இருக்கிற எபிசோட்ல நான் போட்ட துளி துளி மழையாய் என் மனதில் விழுந்தாய் பாடல் mp3 வடிவில் நமது “Thenaruvi Tamil novels”  instagram மற்றும் youtube சேனலில் அப்லோடு செய்திருக்கிறேன். அதைக் கேட்டு மகிழுங்கள்.)

அமுதாவின் அண்ணன் மணிகண்டன் வீட்டில் இருக்க பிடிக்காமல் காலையில் நேரமாகவே எழுந்து வயலுக்கு சென்றிருந்தார். அவர் அங்கே வேலைக்கு வந்து இருந்தவர்களிடம் பேசி வேலை வாங்கிக் கொண்டு இருக்க, அங்கே தனது ஆட்களுடன் காரில் சென்று இறங்கினார் பிரசிடெண்ட். 

பிரசிடெண்டின் கார் வருவதை பார்த்தவுடன் வேலை ஆட்கள் அனைவரும் தங்களது வேலையை நிறுத்திவிட்டு ‌ எழுந்து ஆஜராகி ஒரு இடத்தில் மணிகண்டனின் அருகில் சென்று நிற்க, கரை வேட்டியில் இருந்த பிரசிடெண்ட் காரில் இருந்து கெத்தாக இறங்கி தனது வேட்டியை மடித்து கட்டியவாறு மணிகண்டனை நோக்கி சென்றான். 

ஒரு காலத்தில் அமுதாவின் அப்பாவும், பிரசிடெண்ட்டும் நெருங்கிய நண்பர்களாக இருந்தார்கள். சிறு வயதில் எல்லாம் பிரசிடெண்டும் மணிகண்டனும் எல்லாம் அண்ணன் தம்பியை போல பழகியவர்கள் தான். ஆனால் பதவி வந்தவுடன் தனது உண்மையான சுயரூபத்திற்கு மாறிய பிரசிடெண்ட் அனைவரையும் தனக்கு போட்டியாகவும் எதிரியாகவுமே பார்க்க தொடங்கினான். அதனால் அமுதாவின் குடும்பத்திற்கும் பிரசிடெண்ட் குடும்பத்திற்கும் நடுவில் ஒரு விரிசல் ஏற்பட்டது. 

ஒருவித ஏளன சிரிப்புடன் மணிகண்டனை பார்த்த பிரசிடெண்ட் “என்ன டா மணி.. புதுசு புதுசா நிறைய பண்ற போல! ஊர்ல இருக்கிற எல்லா குருவியும் பறக்க ஆசைப்படலாம். ஆனா அது எல்லாம் பருந்தாயிடாது இல்ல! அதை ஞாபகம் வச்சுக்கணும்.” என்று குத்தலாக சொல்ல, “ இந்த குருவி, பருந்தை பத்தி எல்லாம் நமக்கு என்னங்க ஐயா கவலை? நாங்க எல்லாரும் சாதாரண மனுஷங்க. எறும்பு மாதிரி சுறுசுறுப்பா காலையில இருந்து ராத்திரி வரைக்கும் எங்களுக்காக கஷ்டப்பட்டு உழைச்சு எங்க உழைப்பில வாழ்ந்துட்டு இருக்கோம். எங்களுக்கு உயரத்துல போகணும். வானத்தில பறக்கணும்னு எல்லாம் எந்த ஆசையும் இல்லை.” என்றார் மணிகண்டன். 

” ஓஹோ உமக்கு ஆசை இல்லாம தான் என் பொண்ணுக்கு கிடைக்க வேண்டிய வாய்ப்ப உன் தங்கச்சிய வச்சு ஆட்டைய போட்டுட்டியோ!” என்று பிரசிடெண்ட் இப்போது தன் குரலை உயர்த்தி கொஞ்சம் கோபமாக கேட்க, அவன் வந்திருக்கும் நோக்கம் என்னவென்று மணிகண்டனுக்கு இப்போது தான் விளங்கியது. 

ஏற்கனவே அமுதா தன் பேச்சை மீறி அவளாகவே தனித்து இந்த அளவிற்கு செய்து கொண்டு இருக்கிறாள் என்ற கடுப்பில் இருந்த மணிகண்டன், “நாங்க சும்மாவே எது மேலையும் ஆசைப்படுறவங்க இல்லைங்க. இதுல அடுத்தவங்களுக்கு கெடச்ச வாய்ப்புக்கு நாங்க எதுக்கு அழைய போறோம்? என் தங்கச்சிய நான் அப்படி எல்லாம் வளக்கல. அந்த வாய்ப்பு தானா எங்க வீடு தேடி வந்தது. எங்க வீட்ல இருக்கறவங்க யாருக்குமே இதுல சுத்தமா விருப்பமே இல்ல. 

அந்த சினிமாக்காரன் தான் நாங்க என்ன சொல்லியும் கேட்காம என் தங்கச்சி தான் அந்த படத்துல நடிக்கணும்னு பிடிவாதமா இருந்து அவ கிட்ட சம்மதம் வாங்கிட்டு போயிட்டான். என்ன தான் நம்ம வீட்டு பிள்ளைகளை நம்ம பாராட்டி சீராட்டி வளர்த்தாலும், ஒரு வயசு வந்ததுக்கு அப்புறம் அதுங்க என்ன நம்ம சொல்றதையா கேக்குது? அவ அவன் கிட்ட படத்துல நடிக்கிறேன்னு வாக்கு கொடுத்துட்டா.

அவன் துப்பாக்கிய தூக்கிட்டு வந்து எங்க வீட்டுல எல்லாரையும் மிரட்டுறான். இதுக்கு நடுவுல சாதாரண பட்டவன் நான் என்ன செய்ய முடியும் ஐயா? நீங்க ஊர் பிரசிடெண்ட் தானே.. வேணா இந்த விஷயத்துல என் குடும்பத்தில இருக்கிறவங்க யாருக்கும் விருப்பம் இல்லை. அந்த பையன் விஜய் எங்களை மிரட்டி தான் சம்மதிக்க வச்சான்னு நான் பிராது குடுக்கிறேன். என் தங்கச்சியையும் கூட்டிட்டு வந்து சாட்சி சொல்ல சொல்றேன். 

நீங்க அவனையும் கூப்பிட்டு விசாரிங்க. நீங்களே ஒரு நல்ல தீர்ப்பா சொல்லி எங்க வீட்டுப் பிள்ளையை இந்த பிரச்சனையில இருந்து காப்பாத்தி விடுங்க உங்களுக்கு புண்ணியமா போகும்.” என்று பிரசிடெண்ட்டை பார்த்து கையெடுத்து கும்பிட்டார். 

“என்ன கடைசில இப்படி ஆகிப்போச்சு! நம்ம இவன் கிட்ட ஏதாவது பேசி இவன மிரட்டி இவன் தங்கச்சியை நடிக்க விடக் கூடாதுன்னு சொல்லலாம்னு பார்த்தா, இவனே அந்த புள்ள படத்துல நடிக்கிறதுல எங்களுக்கு விருப்பம் இல்லை. முடிஞ்சா விஜயை எதிர்த்து நீங்களே பேசுங்கன்னு நம்மள அவன் கிட்ட கோர்த்து விட பார்க்கிறான்! 

இவங்கள சம்மதிக்க வைக்கிறதுக்கே துப்பாக்கிய தூக்கிக்கிட்டு அவங்க வீட்டுக்கு போன விஜய், தெரிஞ்சே நம்ம அவன் கூட மோதினா நம்மள சும்மா விடுவானா? அந்த டைரக்டர் சொல்லிட்டு போன மாதிரி நேரடியா நம்ம எதுவும் பண்ண முடியாது. மறைமுகமா தான் ஏதாவது பண்ணி அமுதாவை இந்த படத்துல நடிக்க விடாம பண்ணனும்.” என்று நினைத்த பிரசிடெண்ட், 

“இப்ப எதுக்குப்பா நீ இப்படி கோவப்படுற? நீ யாரு.. நம்ம ஊர்க்காரன். நம்ம எல்லாரும் அண்ணன் தம்பி மாதிரி பழகி இருக்கோம். நான் உன்ன போய் தப்பா நினைப்பேனா? நமக்குள்ள இருக்கிற மரியாதையை நம்ம வெளியூர்க்காரங்க கிட்ட எதிர்பார்க்க முடியுமா? உங்க வீட்டுக்கு துப்பாக்கியை தூக்கிட்டு வந்து அவன் மிரட்டுனதா சொல்ற! அப்புறம் நாம பஞ்சாயத்து கூட்டினால் மட்டும் அவன் அதுக்கு கட்டுப்பட்டு நிப்பானா சொல்லு? அப்புறம் கிரகத்தை எடுத்து கவட்டைக்குள்ள போட்டுக்கிட்ட கதை ஆயிரும். 

என்னமோ என் பொண்ணு ஆசைப்படுகிறாளேன்னு அவளை சினிமா ஹீரோயின் ஆக்கி பார்க்கலாம்னு நெனச்சேன். அந்த கழுதைக்கு அது கொடுத்து வைக்கல. அதுக்கு நம்ம என்ன பண்றது? அமுதா மட்டும் எனக்கு யாரு? அவளும் என் பொண்ணு மாதிரிதான். எல்லாரும் நம்ம பிள்ளைங்க தானே நல்லா இருந்தா சரி. வெய்யிலு மண்டைய பொளக்குது.. எனக்கு சோலி கிடைக்குது.  நான் போறேன். நான் இங்க வந்ததை பத்தி எல்லாம் விஜய் சார் கிட்ட எதுவும் சொல்லிக்க வேணாம். நான் கிளம்புறேன் மணி. பிறவு பார்ப்போம்.” என சொல்லி மணிகண்டனின் தோள்களில் தட்டிவிட்டு மீண்டும் காரில் ஏறி அந்த இடத்தை விட்டு சென்று விட்டான். 

இவர்களது திட்டத்தில் அமுதா சிக்கினால் அவளுக்கு என்னாகுமோ தெரியவில்லை. பொறுத்திருந்து பார்க்கலாம். 

புயல் வேகத்தில் விஜயின் கார் சென்று அனாமிகா தங்கி இருந்த பங்களாவின் முன்னே நின்றது. விஜய் சொன்னதைப் பற்றி தொடர்ந்து யோசித்து கொண்டே இருந்ததால் தன் தலை வலிப்பதைப் போல உணர்ந்த அனாமிகா ஹாட் வாட்டர் போட்டு குளித்தால் நன்றாக இருக்கும் என்று நினைத்து தலைக்கு குளித்துவிட்டு அப்போது தான் ஒற்றை துண்டுடன் பாத்ரூமில் இருந்து வெளியே வந்து ஹேர் டிரையர் மூலமாக தனது ஈர கூந்தலை உணர்த்திக் கொண்டு இருந்தாள். 

விஜயின் ஆட்கள் அந்த வீட்டை சுற்றி வளைத்தார்கள். விஜய் தனியாக அங்கே சென்று கோபத்தில் ஏதாவது தவறான முடிவு எடுத்து அவளை கொன்று விட்டால் என்ன செய்வது என்று நினைத்து பயந்த தினேஷ் அடித்து பிடித்து அவன் அங்கே செல்லும் நேரத்திற்கு சரியாக சென்று சேர்ந்திருந்தான். 

தன்னுடன் தினேஷை மட்டும் அழைத்துக் கொண்டு  உள்ளே சென்ற விஜய் ‌ அவர்கள் வருவதை கண்டு அனாமிகா அலர்ட் ஆகி தப்பித்து எங்கேயும் சென்று விடக் கூடாது  என்பதற்காக ‌அந்த வீட்டின் பின் பக்கம் இருந்த தோட்டத்தின் வழியாக காம்பவுண்ட் சுவர் ஏறி உள்ளே குதித்து சென்றான். கீழ்த் தலத்தில் யாரும் இல்லை என்பதை உறுதி செய்த தினேஷ் முதலில் சென்று கதவை திறந்து தங்களது ஆட்களை உள்ளே வரவழைத்தான். 

அந்த கேப்பில் கையில் துப்பாக்கியுடன் விஜய் அனாமிகாவை தேடி படிகளில் ஏறி முதலாம் தளத்திற்கு சென்றான். அங்கே மொத்தம் நான்கு அறைகள் இருந்தது. அந்த அனைத்து அறைகளிலும் அவன் அவளை தேடிப் பார்த்தான். அவள் இல்லாததால் இறுக்கமான முகத்துடன் இரண்டாவது தளத்திற்கு சென்றான். 

அந்த வீட்டில் அவளைத் தவிர வேறு யாரும் இல்லை என்பதால் தனது அறையின் கதவை திறந்து வைத்திருந்த அனாமிகா  டிரெஸ்ஸிங் டேபிள் கண்ணாடியின் முன்னே நின்று ஏதோ ஒரு பாடலை முணுமுணுத்தப்படி அவளது தலை முடியை காய வைத்துக் கொண்டு இருக்க, சொல்லாமல் கொள்ளாமல் திடீரென்று உள்ளே சென்று தன் துப்பாக்கியை அவள் சுதாரித்துக் கொள்வதற்குள் அவள் நெற்றி பொட்டில் வைத்த விஜய் “how are you baby?” என்று நக்கலாக கேட்டுவிட்டு தனது இதழ்களை கோணலாக வளைத்து புன்னகைத்தான். 

இப்போது அவனது அழகிய முகம் ஒரு சாத்தானின் முகத்தைப் போல அவள் கண்களுக்கு கொடூரமாக தெரிய, அவன் துப்பாக்கியை வைத்து இப்படி நலம் விசாரிப்பது அவள் பயத்தை பல மடங்கு அதிகரிக்க செய்தது. நடுங்கிய உடலுடன் இதழ்கள் துடிக்க தன் கையில் இருந்த ஹேர் டிரையரை கீழே போட்ட அனாமிகா, “நீ.. நீ எப்படி இங்க வந்த?” என்று கேட்க, அவளது தோள்களை இறுக்கமாக பிடித்து அவளை தன் பக்கம் இழுத்த விஜய் தன் கையில் இருந்த துப்பாக்கியை அவளது கன்னங்களில் உரசியவாறு, “நீதானே பேபி என்ன மிஸ் பண்றதா சொன்ன.. நான் இல்லாம இருக்க முடியாது.. அப்படி இப்படின்னு டயலாக் விட்டியே மறந்துட்டியா? அதான் உன்ன தனியா விட கூடாதுன்னு உனக்கு கம்பெனி குடுக்கலாமேன்னு கிளம்பி வந்தேன். ஏன் நான் வந்தது உனக்கு பிடிக்கலயா? உன் மூஞ்சில எக்ஸ்பிரஷன் கொஞ்சம் கூட சரி இல்லையே! ரொம்ப நாள் கழிச்சு புருஷனை பார்க்கும்போது பொண்டாட்டி அப்படியே கண்ணுல லவ் பொங்குற அளவுக்கு ரியாக்சன் கொடுக்க வேண்டாமா? போ பேபி.. again and again நீ என்னை disappoint பண்ணிக்கிட்டே இருக்க!” என்று சொல்லிவிட்டு அவள் தொண்டை குழியில் துப்பாக்கியை வைத்து அழுத்தினான். 

– காதல் மலரும் 

***