சாபமாய் வந்த என் உயிரே CH 6

அத்தியாயம் 6: போனால் போகட்டும் போடா 

குடிபோதையில் வெகு நேரமாக பினாத்திக் கொண்டு இருந்த விஜய் தினேஷ் வந்து அவனிடம் “boss… பிரியா மேடம் இறந்துட்டாங்களாம்” என்று சொன்னவுடன் வாயடைத்து போய் விட்டான். பிரியா என்ற பெயரை கேட்ட உடனே அவனது மூளை அவனுடைய கடந்த கால ஞாபகங்களை அவனது மன கண்களில் படம் போட்டு காட்ட, அவனது கண்கள் அவனையும் அறியாமல் கலங்கிவிட்டது. 

தினேஷ் தன்னை கவனிப்பதற்குள் சுதாரித்துக் கொண்டு தன்னை நிலைப்படுத்திக் கொண்ட விஜய் தன் கம்பீரமான குரலில் “அந்த ஏமாத்துக்காரி செத்துப்போன எனக்கு என்ன டா? ஏற்கனவே என் Mood சரி இல்ல. இதுல அந்த இத்துப்போனவள ஞாபகப்படுத்தி ஏன் டா இன்னும் என்ன டென்ஷன் பண்ற?” என்று கோபமாக கேட்க,

 “இல்ல பாஸ்.. இது முக்கியமான விஷயம்ல்ல! உங்களுக்கு தெரியணும்னு தான் சொன்னேன்.” என்று தாழ்மையான குரலில் சொன்னான் தினேஷ்.  

 “எது டா எனக்கு முக்கியமான விஷயம்? என்னோட ஹார்ட்டை piece piece ஆ உடைச்சு போட்டவளோட ஹாட் பீட் இன்னைக்கு நின்னுருச்சு. அவ்ளோ தானே! இது எனக்கு முக்கியமான விஷயமா? அவ இவ்ளோ நாள் உயிரோட இருந்ததே தேவை இல்லாதது தான். சனியன் செத்து தொலையட்டும். அவ டெட் பாடி கூட யாருக்கும் கிடைக்க கூடாது. அவளை எரிச்சிடுங்க.” என்று தனக்கு இருந்த போதையிலும் தன்னை மீறி கோபத்தில் தனது வார்த்தைகளை அக்னி பிளம்புகளாக உதிர்த்தன் விஜய்.

விஜய் பிரியாவை தான் முதன் முதலில் காதலித்து திருமணம் செய்து கொண்டான். ஆனால் வேறு ஒருவனுடன் கள்ள தொடர்பில் இருந்த பிரியா தனக்கு துரோகம் செய்துவிட்டதை தெரிந்து கொண்ட விஜய், அவளை துண்டு துண்டாக வெட்டிக் கொள்ளும் ஆத்திரம் வந்தாலும் அவள் மீது அவனுக்கு இருந்த காதலால் அதை அவனால் செய்ய முடியாமல் போகவே, அவளை ஒரு தனி அறையில் யாருக்கும் தெரியாமல் அடைத்து வைத்து கடந்த நான்கு ஐந்து வருடங்களாக சித்திரவதை செய்து கொண்டு இருந்தான்.

அந்தத் தொடர் சித்திரவதைகளை தாங்க முடியாமல் ஒருவழியாக இன்று பிரியாவின் உடலை விட்டு அவளது உயிர் பிரிந்து விட, அவள் இத்தனை நாளாக இருந்த சிறையில் இருந்து அவளுக்கு விடுதலை கிடைத்து விட்டது. அதையெல்லாம் நினைத்து பார்த்தபடி Bar-ல் இருந்து வெளியே சென்ற தினேஷ்,

“பிரியா மேடம் நெஜமாவே விஜய் சார ஏமாத்தி இருப்பாங்களா? பட் அவங்க போய் அப்படி பண்ணி இருப்பாங்கன்னு என்னால இப்ப கூட நம்ப முடியலையே! அந்த பொண்ண பார்க்கவே ரொம்ப நல்ல பொண்ணா இருந்தா.

ஒருவேளை அவ தப்பு பண்ணி இருந்தா கூட, சிம்பிளா அவளை டிவர்ஸ் பண்ணிட்டு போயிருக்கலாம்.

அதை விட்டுட்டு இத்தனை வருஷமா அந்த பொண்ண ஒரு ரூம்ல அடைச்சு வச்சு அவளவே சாகுற வரைக்கும்  கொடுமைப்படுத்தி கோபத்தை தீர்த்துக்கறது எல்லாம் மட்டும் கரெக்டா?” என்று தனக்குள் கேட்டுக் கொண்டவன்,

 “அது சரி! இவர் எந்த காலத்துல நல்லது கெட்டதை பத்தி எல்லாம் யோசிச்சி இருக்காரு! பிரியா மேடம் அவரோட life-ல வர்றதுக்கு முன்னாடியே அவர் பாதி கெட்டுப் போய் இருந்தாரு. இப்போ அவங்களால முழுசா இவர் ஹீரோல இருந்து வில்லனா மாறிவிட்டாரு.” என்று தனக்கு தானே சொல்லி கொண்டு சென்றுவிட்டான் தினேஷ்.

ஏற்கனவே தனக்கு இருந்த அதிக கோபத்தில் வெறி பிடித்தவனை போல குடித்துக் கொண்டு இருந்த விஜய்க்கு, இப்போது பிரியா இறந்துவிட்ட செய்தி உண்மையாகவே அவனை வெறி ஏற்றிவிட,

தன் கண்களில் பட்ட மது பாட்டில்களை எல்லாம் எடுத்து கண்ணு முன்னு தெரியாமல் குடித்தான் விஜய். அவன் பிரியாவை மறப்பதற்காக எவ்வளவு தூரம் குடிக்கிறானோ, அதைவிட அதிகமாக அவனுக்கு பிரியாவின் ஞாபகம் வந்து கொண்டே இருந்தது. அவள் ஒரு சாதாரண மேக்கப் ஆர்டிஸ்ட் ஆக இருந்தாலும், விஜய் அவளை உண்மையாக காதலித்தான். 

எப்போதும் பணத்திற்கு பெரும் மதிப்பு கொடுக்கும் விஜய், பிரியாவின் விஷயத்தில் அவள் தன்னைவிட தகுதியிலும், தராதரத்திலும் குறைந்தவள் என்றாலும்; அவளது நல்ல குணத்தையும், அவளது அப்பாவியான சுபாவத்தையும், அவள் தன் மீது வைத்திருக்கும் உண்மையான அன்பையும் கருத்தில் கொண்டு தான் அவளை மனதார நேசித்தான். 

பிரியா ஒன்றும் பேரழகி எல்லாம் இல்லை. ஆனால் அவளை முதன் முதலில் தன் வாழ்வில் வந்த பெண் தேவதையாக நினைத்து நித்தமும் ஆராதித்த விஜய், அவள் தனக்கு செய்த துரோகத்தை கண்கூடாக பார்த்து மனம் வெறுத்துப் போய் அன்றில் இருந்து பெண்கள் வர்க்கத்தையே வெறுக்க தொடங்கி விட்டான். 

ஆனால் அவனுக்குள் இருந்த அவளுக்கான காதல் இப்போதும் மாறாமல் அப்படியே இருந்தது. என்ன இருந்தாலும் முதல் காதலி அல்லவா? அதுவும் அவளுக்கு ஆசை ஆசையாக தாலி கட்டி சில காலம் தான் என்றாலும் விஜய் அவளுடன் ஒரு திருப்தியான வாழ்க்கையை வாழ்ந்து இருக்கிறான். அதையெல்லாம் இப்போது நினைத்துப் பார்த்த விஜய்க்கு “நான் எப்பவும் உன் கூட தான் இருப்பேன் விஜய். நீதான் எனக்கு எல்லாமே…

நீ இல்லாம எனக்கு எதுவும் இல்ல.” என்றெல்லாம் அவள் பேசிய காதல் வசனங்கள் அவனுக்கு ஞாபகம் வர, தன் கையில் இருந்த காலி கண்ணாடி பாட்டில்களை தூக்கி தரையில் பட்டென அடித்து உடைத்த விஜய், “ஏய் பிரியா.. ஏண்டி இப்படி பண்ண? உனக்கு நான் என்ன குறை வச்சேன்? அப்படி என்னால கொடுக்க முடியாத எந்த சுகத்தை அந்த நாய் உனக்கு கொடுத்துட்டான்னு நீ அவன் பின்னாடி வாழ ஆட்டிகிட்டு போன? நான் உன்னை எவ்ளோ லவ் பண்ணேன்னு உனக்கு தெரியும்ல்ல! அப்புறம் ஏன் டி எனக்கு இப்படி ஒரு துரோகத்தை பண்ண?” என்று போதை ஏறிய குரலில் சத்தமாக கத்தி கேட்டான். 

அவன் ஒரு வேளை பிரியா உயிரோடு இருக்கும்போது இதே கேள்விகளை அவளிடம் கேட்டிருந்தால், அவனுக்கு பதில் கிடைத்திருக்கலாம். ஆனால் இப்போது அவள் இறந்துவிட்ட நிலையில் தாமதமாக விஜய் இப்படி எல்லாம் யோசித்து என்ன பயன்? ஆனால் இப்படி செய்வதை தவிர தன் மனதில் இருக்கும் வேதனையை வெளியில் எப்படி கொட்டி தீர்ப்பது என்று அவனுக்கு தெரியவில்லை. 

அதனால் அப்படியே விடிய விடிய மூச்சு முட்ட குடித்துவிட்டு பிரியாவின் பெயரை சொல்லி புலம்பிய விஜய் “ஏன் டி என்னை ஏமாத்துன? நான் உன்ன எவ்ளோ ட்ரூவா லவ் பண்ணேன் தெரியுமா?” என்று பிதற்றிக் கொண்டு இருந்தான். 

மறுநாள் காலை..

பச்சை நிற பாவாடையும், ஜாக்கெட்டும் அணிந்து அதற்கு கான்ட்ராஸ்ட் ஆக சிவப்பு நிற தாவணி அணிந்து  இருந்த 22 வயது மதிக்கத்தக்க இளம் பெண் ஒருத்தி தன் இரு  கைகளையும் கூப்பி கண்களை மூடி, “கடவுளே கடவுளே ப்ளீஸ் கடவுளே! இது தான் என்னோட லாஸ்ட் செமஸ்டர் ரிசல்ட். இதுக்கு மேல நான் உங்கள டிஸ்டர்ப் பண்ணவே மாட்டேன். இந்த ஒரு தடவை மட்டும் எப்படியாவது என்ன ஏதாச்சும் பண்ணி பாஸ் பண்ணி விட்டுறுங்க.” என்று வேண்டியபடி அரச மரத்தடியில் இருக்கும் பிள்ளையாரை சுற்றி கொண்டு இருந்தாள். 

அப்போது அவளைத் தேடிக் கொண்டு அங்கே ஓடி வந்த அவளது தோழி கலைச்செல்வி அவள் பிள்ளையாரை சுற்றிக் கொண்டு இருப்பதை கவனித்து விட்டு “அடியே அமுதா நீ பாஸ் ஆயிட்ட டி.” என்று கத்தி கொண்டே அவளை நோக்கி ஓடினாள். “பிள்ளையார் அப்பா நான் பாஸ் ஆய்டனும்.” என்று மந்திரம் போல அதையே மீண்டும் மீண்டும் சொல்லி கொண்டு இருந்த அமுதா எத்தனை முறை அந்த அரச மர விநாயகரை சுற்றினோம் என்று கூட தெரியாமல் தொடர்ந்து சுற்றி கொண்டே இருக்க, அவள் அருகில் சென்று “ஏய் அமுதா நீ பாஸ் ஆயிட்ட புள்ள…” என்று அவள் காதுகளில் கேட்கும்படி தன் தொண்டை கிளிய கத்தினாள் கலைச்செல்வி.

அவளது குரல் அமுதாவின் மூளை வரை சென்று அவளை தட்டி எழுப்பி நிதானத்திற்கு கொண்டு வர, சட்டென தன் கண்களை திறந்து கலைச்செல்வியை பார்த்த அமுதா “ஏய் என்ன டி சொல்ற நெஜமாவே நான் பாசாயிட்டேனா?” என்று நம்ப முடியாமல் கேட்க, “அட நெஜமா தான் சொல்றேன் அமுதா, நீ பாஸ் ஆயிட்ட டி. நம்ம ஊர்ல ஒழுங்கா சிக்னல் கிடைக்கலைன்னு பஸ் ஏறி பக்கத்து ஊருக்கு போய் நான் என் ஃபோன்ல நம்ம செமஸ்டர் எக்ஸாம் ரிசல்ட்டை பாத்துட்டு வந்தேன் தெரியுமா?” என்று மூச்சு வாங்க சொன்னாள் கலை.

இப்போது தான் அவள் சொல்வதை உண்மை என்று நம்பிய அமுதா சந்தோஷத்தில் கலைச்செல்வியை இறுக்கமாக கட்டிப்பிடித்துக் கொண்டு அவளை அப்படியே தூக்கி சுற்றி, “ஹே சூப்பர் கலை..  நான் பாஸ் ஆயிட்டேன்!” என்று சத்தமாக கத்த, “ஐயோ.. என்ன கீழ இறக்கி விடு டி. தலை சுத்துற மாதிரி இருக்கு.” என்று கலைச்செல்வி தன் தலையில் கை வைத்துக் கொண்டு செல்ல, அவளை கீழே இறக்கி விட்டாள் அமுதா.

பின் அவளது தோள்களை கண்களில் ஆர்வம் மின்ன இறுக்கமாக பிடித்த அமுதா “உன்னோட ரிசல்ட் என்ன ஆச்சு? நீயும் பாஸ் ஆயிட்டியா?” என்று கேட்க,

“அட போடி. நான் எங்க உருப்படியா படிச்சேன்.. பாஸ் ஆக? நானே சும்மா இருந்தா வீட்ல கல்யாணம் பண்ணி வச்சிடுவாங்களேன்னு அதுல இருந்து தப்பிக்க காலேஜுக்கு போறேன்னு சொல்லிட்டு அங்க போய் Bench-ஜ தேச்சுட்டு வந்தேன். இதுல நான் எங்க பாஸ் ஆகுறது?” என்று சலிப்பான குரலில்  கலைச்செல்வி கேட்க, “அப்போ லாஸ்ட் செமஸ்டரிலயும் நீ அரியர்ஸை கிளியர் பண்ணலையா?” என்று அதிர்ச்சியுடன் கேட்டாள் அமுதா. 

“போன செமஸ்டர் வரைக்கும் 10 அரியர் இருந்துச்சு. இப்ப அது 13 ஆ டெவலப் ஆகி இருக்கு. நானெல்லாம் இந்த ஜென்மத்துல படிச்சு முடிச்சு பாஸ் ஆகி டிகிரி வாங்க மாட்டேன் டி. எனக்கு அது நல்லா தெரிஞ்சு போச்சு.

ஆனா, நீ பாஸ் ஆனத நெனச்சா எனக்கு ரொம்ப சந்தோஷமா இருக்கு அமுதா. நீ எவ்ளோ கஷ்டப்பட்டு வராத இங்கிலீஷை‌ படிச்சேன்னு எனக்கு தான் தெரியுமே..!! படிக்கிறவங்க எல்லாரும் பாஸ் ஆக முடியுமா? எனக்கு நீ பாஸ் ஆனதே போதும்.” என்று மலர் சொல்ல, அன்புடன் அவளை கட்டிப்பிடித்துக் கொண்டாள் அமுதா. 

– காதல் மலரும் 🌹