அவனின் மஞ்சத்தில் தேன்மொழி CH 179

அத்தியாயம் 179

மூன்று மாதத்திற்கு பிறகு..

இப்போது தேன்மொழி கர்ப்பமாகி கிட்டத்தட்ட ஏழு மாதங்கள் கடந்து இருந்தது. எப்படியோ அர்ஜுன் இரவு பகலாக அவளது நிழல் போலவே அவளுடன் இருந்து அவளையும் தனது குழந்தையையும் கண்ணுக்கு கண்ணாக காப்பாற்றி விட்டான். இன்னும் சில நாட்களில் அவள் வயிற்றில் இருக்கும் குழந்தை பிறந்து இந்த பூமியை வந்தடைய போகிறது என்ற சந்தோஷத்தில் அந்த வீட்டில் உள்ள அனைவரும் இருந்தார்கள்.

ஆனால் இன்னும் சித்தார்த் ஆருத்ரா இருவர் மட்டும் தாமரை இலையின் மீது இருக்கும் தண்ணீர் போல தேன்மொழியுடன் ஒட்டாமலே அதே வீட்டில் அவளுடன் வாழைப்பழகி கொண்டார்கள். முதலில் அதை நினைத்து வருத்தப்பட்ட தேன்மொழி, காலப் போக்கில் அனைத்தும் சரியாகிவிடும் என்று அர்ஜுன் சொன்னதை வைத்து அந்த நாள் சீக்கிரம் வரட்டும் என நினைத்து நம்பிக்கையுடன் காத்திருந்தாள்.

ஏற்கனவே அர்ஜுன் தேன்மொழி இருவரும் பேசி வைத்ததைப்போல இப்போது ஹோம் ஸ்கூலிங் இல்லாமல் நேரடியாக சித்தார்த் மற்றும் ஆருத்ராவை ரஷ்யாவில் உள்ள பள்ளியில் சேர்க்க வேண்டிய நேரம் வந்திருந்தது. இப்போது தேன்மொழியின் உடல்நிலை நன்கு முன்னேறி இருந்ததால் டாக்டர் இனி தேன்மொழி எழுந்து நடப்பதிலோ, பயணம் செய்வதிலோ எந்த பிரச்சனையும் இல்லை என்று சொல்லி விட்டார். அதனால் அனைவரும் ரஷ்யா செல்ல திட்டமிட்டார்கள்.

ஒவ்வொரு கண்டங்களாக தாண்டி கொண்டு இருக்கும் தன் மகள் நல்ல முறையில் குழந்தையை பிரசவிக்கும் வரை அவளுடன் ரஷ்யாவில் இருப்பதாக முடிவெடுத்தாள் விஜயா. அதனால் தேன்மொழி “தாத்தா இறந்து போனதுல பாட்டி ரொம்ப சோகமா இருக்காங்க ஆதி. அர்ஜுன் கூட தாத்தா இறந்தப்ப நடுவுல ரெண்டு நாள் ரஷ்யா போய்ட்டு வந்தது தான். அவர்ல இருந்து அத்தை வரைக்கும் என்னால எல்லாரும் இத்தனை நாளா இந்தியாவுலயே இருந்துட்டாங்க. 

நமக்கு எல்லாமே அங்க இருக்கும்போது, இன்னும் எத்தனை நாள் தான் இந்தியாவுல இருக்க முடியும்? எனக்கே ரொம்ப நாளாவே ரஷ்யா போய்ட்டா பரவால்லன்னு தான் தோணுது. நாங்க எல்லாருமே கிளம்பி போயிட்டா நீ மட்டும் எப்படி டா இங்க தனியா இருப்ப? உங்க மாமா தான் காலேஜ்ல பேசுறேன்னு சொல்றாரு இல்ல..

இது உனக்கு ஃபைனல் இயர் தானே.. நீ எக்ஸாம் மட்டும் எழுதிட்டு போ. அடுத்து பிஜி பண்ற மாதிரி இருந்தா ரஷ்யாவுலயே பண்ணிக்கலாம். நான் சொல்றத கேட்டா தான் என்ன?” என்று ஆதவனிடம் கேட்டாள்.

“நான் என்ன சின்ன பையனா அக்கா? இனிமே அங்க நம்ம வீட்டுக்கு போய் தங்கக் கூடாதுன்னு மாமா ஸ்ட்ரீக்ட்டா சொல்லிட்டாரு. நீங்க எல்லாருமே கிளம்பி ரஷ்யா போனா கூட, இங்க பாதுகாப்புக்கு எத்தனை ஆளுங்க இருக்காங்க! இத்தனை பேருக்கு நடுவுல என்ன விட்டுட்டு போறதுக்கு அப்படி என்ன அக்கா உனக்கு பயம்?

அம்மாவுக்கும் நான் இல்லாம ரஷ்யா போறதுல விருப்பம் இல்ல தான். இருந்தாலும் உன்ன அங்க அனுப்பிட்டு இங்க நிம்மதியா இருக்க முடியாதுன்னு கிளம்புறாங்க. இது எனக்கே நல்லா தெரியுது தான். ஆனா இன்னும் ஒரு மாசத்துல எனக்கு ஒரு இம்பார்டன்ட் மேட்ச் இருக்கு. நான் இப்ப இங்க இருந்து பிராக்டிஸ் பண்ண தான் அது கரெக்டா வரும். இந்த மேட்ச்க்காக தான் நான் ரெண்டு வருஷமா கஷ்டப்பட்டு இருக்கேன்.

உனக்கு எல்லாமே தெரிஞ்சிருந்தும், நீயே இப்படி கேக்கலாமா சொல்லு? ஜஸ்ட் ஒரு நாலு மாசம் தான் அக்கா. நான் படிச்சு முடிச்ச உடனே கிளம்பி ரஷ்யா வந்துடறேன். நடுவுல உனக்கு பாப்பா பிறக்கும்போது அங்க வந்து உன்ன பாத்துட்டு வரேன்.

பிரிட்டோ அண்ணாவுக்கு ஒரு கால் பண்ணி சொன்னா போதும். டிராவல் அரேஞ்ச்மெண்ட்ஸ் பண்ணிடுவாரு. அவர் பிசியா இருந்தாலும் நான் கிளாரா அக்கா கிட்ட பேசிக்குவேன். இந்தியால இருந்து ரஷ்யாவறது எல்லாம் ஒரு விஷயமா சொல்லு?” என்று கேட்டான் ஆதவன்.

தன் அன்பு அவனது ஸ்போர்ட்ஸ் கரியரில் ஒரு தடையாக இருக்கக் கூடாது என்று நினைத்த தேன்மொழி “சரி போ, நானே விட்டாலும் உங்க மாமா இங்க உன்னை பத்திரமா பாத்துக்கறதுக்கு என்ன என்ன பண்ணனுமோ எல்லாமே பண்ணி வச்சிருவாரு. எனக்கு அவர பத்தி தெரியும். அவர் மேல இருக்கிற நம்பிக்கையில நான் இங்க உன்னை தனியா விடுறேன். 

எல்லா பக்கமும் இங்க சிசிடிவி கேமரா இருக்குடா. நீ எத்தனை மணிக்கு வீட்டுக்கு வர வெளியே போறன்னு நான் ரஷ்யால இருந்து கூட வாஷ் பண்ணுவேன். ஒழுங்கா டைமுக்கு வீட்டுக்கு வரணும். பசங்க கூட சேர்ந்து சுத்திக்கிட்டு இருக்கேன்னு தெரிஞ்சது.. இங்க இருக்கிற செக்யூரிட்டிக்கு கால் பண்ணி உன்ன ரஷ்யாவுக்கு இழுத்துட்டு வர சொல்லிடுவேன் பாத்துக்க!” என்று சொல்லி செல்லமாக அவனை மிரட்டியும் வைத்தாள்.

தாத்தா இறந்ததில் அர்ஜுனின் வீட்டில் உள்ள அனைவரும் இன்னும் உள்ளுக்குள் சோகமாக தான் இருந்தார்கள். அதனால் ஏற்கனவே தேன்மொழி ஆசைப்பட்டதை போல அவளுடன் வேறு பேபி மூன்‌ செல்ல திட்டமிட்டு இருந்த அர்ஜூன் அப்படியே குடும்பத்தினருடன் சென்றால் ஒரு ஃபேமிலி ட்ரிப்பாகவும் அதை மாற்றிவிடலாம் என்று நினைத்தான்.

அதனால் அவர்கள் எப்படியும் இன்னும் சில நாட்களில் ரஷ்யா செல்லப் போகிறார்கள் என்பதால் அதற்கு முன்பாக எங்கேயாவது ட்ரிப் போகலாம் என்று முடிவெடுத்த அர்ஜுன் வீட்டில் உள்ள அனைவரையும் நடு ஹாலில் அமர வைத்து “உங்க எல்லாருக்கும் பிடிச்ச பிளேஸ் ஒன்னு சொல்லுங்க. அப்புறமா நம்ம டிஸ்கஸ் பண்ணி நிறைய பேர் எதை சூஸ் பண்றாங்களோ அந்த பிளேஸை ஃபைனல் பண்ணிடலாம்.” என்றான்.

“அது என்ன அண்ணா ஒரே ஒரு பிளேஸ்க்கு தான் நம்ம போகணுமா? நீங்களே எப்பயாவது தான் மனசு வந்து இந்த மாதிரி ட்ரிப் போலாம்னு சொல்றீங்க. என் புருஷன் என்ன தனியா கூட எங்கயும் கூட்டிட்டு போக மாட்டீங்கறான்.

இப்படி நம்ம எல்லாரும் சேர்ந்து ஒண்ணா எங்கயாவது போனா தான் உண்டு. அதனால போனா போகுதுன்னு எல்லாருமா சேர்ந்து அப்படியே ஒரு வேர்ல்ட் ட்ரிப் போயிட்டு வரலாமே!” என்று சைடு கேப்பில் பிட்டை போட்டால் ஜனனி.

குழந்தைகள் இருவரும் இந்த உலகத்தையே குடும்பத்துடன் சேர்ந்து சுற்றிப் பார்க்க கிளம்பினால் நன்றாக இருக்குமே என நினைத்து உற்சாகமான குரலில் “சூப்பர் சூப்பர் அத்தை சொல்ற மாதிரி நம்ம எல்லாரும் சேர்ந்து வேர்ல்ட் ட்ரிப் போகலாம். எல்லா கன்றியையும் எக்ஸ்ப்ளோர் பண்ணிட்டு வரலாம்.” என்று கோரசாக சொன்னார்கள்.

“அவன பத்தி நல்லா தெரிஞ்சி இருந்தும், அர்ஜுன் இதுக்கு ஓகே சொல்லுவான்னு எந்த நம்பிக்கையில நீங்க இப்படி எல்லாம் கேக்குறீங்க? நம்ம பத்து நாளைக்கு ட்ரிப் போலாம்னு சொன்னாலே அவன் ஒன் டே ட்ரிப் போதும்னு சொல்லுவான். என்ன அர்ஜுன் கரெக்ட் தானே?” என்று அர்ஜூனை பார்த்து கேட்டுவிட்டு சிரித்தான் ஆகாஷ்.

“one day tripஓ one month tripஓ.. நீங்க சொல்ற மாதிரி அர்ஜுன் வாயில இருந்து வெளிய ட்ரிப் போகலாம்னு வரதே பெரிய விஷயம். நான் இதுவரைக்கும் அவர் கூட எங்கேயுமே போனதில்லை. சோ எனக்கு எங்க போனாலும் ஓகே தான். ஆக மொத்தம் நம்ம எல்லாரும் சேர்ந்து ஒரு ட்ரிப் போறோம். நீங்களே ஒரு லொகேஷன் சொல்லுங்க.” என்றாள் தேன்மொழி.

அமெரிக்க பெண்ணான லிண்டா சங்கதி சாக்கில் தனது தாய் நாட்டிற்கு சென்றால் நன்றாக இருக்குமே என நினைத்து “நம்ம அமெரிக்கா போலாமா? அங்க வெதர் நல்லா இருக்கும். எந்தெந்த ஸ்பாட் எந்த டைம்ல போனா நல்லா இருக்கும்னு எனக்கு தெரியும். நானே எல்லாரையும் கைட் பண்ணி கூட்டிட்டு போறேன்.” என்று உற்சாகமான குரலில் சொன்னாள்.

“ஆஹான்.. எனக்கு உன் பிளான் புரிஞ்சிருச்சு டி. அப்படியே அங்க போய் 10 டேஸ் உங்க அம்மா வீட்ல செட்டில் ஆகலாம்னு பாக்குறியா நீ? உனக்கு அமெரிக்கா போகணும்னா நீ தனியா போ. சும்மா சும்மா எத்தனை தடவை அமெரிக்கா போறது?

நெக்ஸ்ட் டைம் google மேப் அப்டேட் பண்றதுக்கு ஐடியா கேட்டா அமெரிக்கால இருக்கிற ஒவ்வொரு சந்து பொந்தையும் நானே மேப் போட்டு வரஞ்சு குடுத்துடுவேன். அந்த அளவுக்கு மொத்த அமெரிக்காவையும் நீயும் நானும் சேர்ந்து சுத்தி இருக்கோம். இத்தனை நாள் கழிச்சு நம்ம எல்லாரும் வெளியே போகும் போதும் உனக்கு அங்க தான் போகனுமா? நான் அமெரிக்கா போக ஒத்துக்க மாட்டேன்.” என்றான் ஆகாஷ். உடனே “ரொம்பத் தான்!” என்று முனுமுனுத்த லிண்டா தன் முகத்தை திருப்பி கொண்டாள்.

மற்றவர்கள் அனைவரும் அவர்களைப் பார்த்து சிரித்துக் கொண்டு இருக்க, ஜானகியின் அருகில் அமர்ந்திருந்த பிரதாப் “what about Paris? எனக்கும் ஜானகிக்கும் மேரேஜ் ஆனதுக்கப்புறம் நாங்க பர்ஸ்ட் ஹனிமூன் அங்க தான் போனோம். So we have many happy memories there. மறுபடியும் எனக்கு ஜானகி இல்லாம அங்க போகவே பிடிக்கல. சோ பிசினஸ் ட்ரிபிற்காக கூட நான் பாரிஸ் அதுக்கப்புறம் போகவே இல்ல.” என்று சொல்லிவிட்டு தன் மனைவியை பார்த்து “இதுவரைக்கும் நம்ம ஒரு 20 30 தடவை அங்கே போய் இருப்போம்ல!” என்று கேட்டார்.

அவர் பேச பேச தங்களது ரொமான்டிக் காதல் வாழ்க்கையை நினைத்து பார்த்து வெட்கப்பட்ட ஜானகி “ஆமா ஆமா.. Paris is such a happening place. Young couples எல்லாருமே கண்டிப்பாக அங்க போகணும். நமக்கும் நம்மளோட ஓல்ட் மெமரிஸ் எல்லாத்தையும் அகைன் ஞாபகப்படுத்தி பார்த்த மாதிரி இருக்கும்.” என்றாள்.

“ஓஹோ மம்மி ஓல்டு லவ் பேர்ட்ஸ் மறுபடியும் பாரிஸ் போய் ரொமான்ஸ் பண்ண பிளான் பண்றீங்களா?” என்று ஆகாஷ் அவர்களை பார்த்து கிண்டலாக கேட்க, “டேய் வாய மூடுடா!” என்றார் பிரதாப். “okay okay listen guys!  அப்ப நம்ம எல்லாரும்  France போறோம். Parisல என்ஜாய் பண்றோம். ஓகே தானே?” என்று அர்ஜுன் கேட்க அனைவரும் கோரசாக “ஓகே!” என்று கத்தினார்கள்.  

இந்த ட்ரிப் அவர்களது மொத்த வாழ்க்கையையும் ஒரேடியாக புரட்டி போடப் போகிறது என்று தெரியாமல் அவர்கள் அனைவரும் அதை நினைத்து  சந்தோஷமாக இருந்தார்கள். 

மீண்டும் வருவாள் 💕

(என்னை மறக்காமல் பிரதிலிப்பியில் ஃபாலோ செய்யுங்கள் மற்றும் நமது தேனருவி தமிழ் நாவல்ஸ் facebook குரூப்பில் இணையுங்கள் ❤️)